نور النور 1 @nor_alnor_1_1

محررة فضية

بنتي كبيرة وماتاكل شسوي لها ؟

السلام عليكم

يابنات الموضوع مثل ماهو مكتوب بالعنوان انا عندي بنت وحده عمرها 4 سنوات الله يخليها لي ونحيفه مررررررره ماتبي تاكل ابدددددددددد اتعب معها كثير والمشكله الاعظم انها مو بس ما تاكل الا الاكل ماتحبه ومايعجبها لازم لها اكل خاص غير عنا مثلا

جزر وبطاطس مسلوق او كيك او بقسم مع حليب او بيضه وبدون خبز بعداو محلبيه او رز ابيض مع زبادي يعني اشياء ناشفه ما احسها تقويها واحس وجهها على طول شاحب وصفره من قل الاكل وحتى لو اكلت اكلها غير صحي ابد وفواكه ماتاكل واضتري لها عصيرات عالاقل العصيرات الطفل يحبها وهي نفس الشي مايعجبها شي ابد

ماتجلس معنا على سفررررررررره مستحيل وانا اجلس الاحق فيها على الاكل احط القمه في فمها كأنها عصفور وياليت اذا قمت ولاحقتها بعد تبي تاكل نفس الشي والله قلبي يتقطع عليها انا اكل واشبع وهي صايمه عن الاكل والمصيبه اقولها ليش ماتاكلي تقولي انا صايمه ما اكل

تخيلوا

والله تقهرني حيييييييييييييل وانا اسوي لها الاكل اللي تحبه بس تعب مو كل مره لي خلق اسوي لها غير عنا وفوق هذا كله ما احسه يشبعها هي كبيره الحين مو صغيره امي تقولي طنشيها وانا مايدعيني قلبي واذا طنشتها احسها تجوع بس شتسوي تروح تاكل شيبس وخرابيط اذا جاعت ماتاكل شي مفيد والله قمت اصرخ عليها والبارح ضربتها لانها تقهرني تبي شي واسويه لها واكلها بيدي بعد وبعدين تقولي ما ابغى او شبعانه والله صار فيني هوووووووووس بس ابيها تاكل مثل الناس
طبعا اهلها كذا اهل زوجي يعني عماتها مدري وراثه منهم ماياكلون الا نواشف ومايحبوا في الاكل الطماط والبصل على قولتها ابغى كل شي نظيف بس هي مو متربيه معهم عشان تاخذ من عاداتهم وفوق هذا كله الاكل لازم تاكله ساخن يعني اجيب لها الاكل وتقعد تلعب وتلعب ولما تجي تاكل تشوفه برد تقولي ما ابغاه روحي سخنيه وارجع اسخنه ثانيه ويدوب تاكل شوي

وانا الحين اعطيها فيتامين وفاتح شهيه للاطفال بس ما احس فيه فايده حيل عادي نفس قبل والله كل اشتريه فتره واشوف مافي فايده واتركه وارجع لها مره ثانيه

ساعدوني يابنات والله ضايق صدري حيل معها شسوي لها تعبت تعبت منها حييييييييييييل

بانتظاركم

يلزم عليك تسجيل الدخول أولًا لكتابة تعليق.

تسجيل دخول

ام ايوب88 • 13 سنة

سبحان الله كانك تتكلمين عن بنتي قبل سنتين
الحين عمرها 3 ونص
كانت ما تااااااااكل ابدددددد لدرجة اقول كيف عايشة ووديناها لاكتر من دكتور يكتبلها فاتح شهية وفيتامينات ومافي فايد ولا يمكن اني مو ملتزمة بيها تمام ومو منتبهة لنفسي المهم بعدها بفترة وديتها لدكتورة عطتها نفس الشي فاتح شهية زي الي قبله بس سبحان الله كان ربي كتب فيه الشفاء صارت شهيتها تنفتح تدريجيا والحين ماشءالله ما في شي ما تاكله
علي فكرة انا بنتي كان معاه حتي امساك
الله يعينك حاسة فيك

نور النور 1 • 13 سنة

مشكورة حبيبتي

والله ردك ريحني

وانا اوديها المستشفى ويكتبوا لها فتمينات ونفس الشي بس اذا مثل ماتقولي بالاستمرار يبين النتيجه والله ياليت اتمنى

الله يهيديها بس

ام تويني • 13 سنة

بنت اخت زوجي كذا ماتاكل غير شابورة وشاي ودتها للدكتور
واعطاها فاتح شهيه وهي فتره وان شاء الله تتحسن
الله يحميها لك يارب ,,
جربي تطنشيها وماتلحقيها بالاكل وماتعملي لها اكل خاص وتكوني شايله
الشبسات والاشياء هذي وخليها هي من نفسها تجوع وتجي تاكل معاكم
ادري انو مايقواك قلبك بس جربي علشانها حبيبتي

شعاع الامال • 13 سنة

شوفي ولدي الكبير بهذلني بأكله لدرجه صرت اعطيه الشبس والخرابيط بس عشان يأكل ومجرد ماكبر اخوة الصغير صار يأكل شوي شوي وبعدين قلت لابوة اكله معك وصار يأكل مع ابوة اذا راح من الدوام ولكن مايروح ابوة الا ع الساعه 5ونصف المغرب وبكذا يكون بس افطر طوال اليوم ويتغدى مع ابوة ويكون غداء وعشاء
كل شيء اعطيته ولكن ابقى متخوفه من فاتح الشهيه من وديته لدكتورة واعطتي فاتح شهيه اسمه هايبول اوميغا-3 صارت صحته شوي حليوة ولكن النضارة صار ما شاء الله

فراوله بالكريمة • 13 سنة

رفع