بنتي كبيره مابي اضربها

بس يا اختي حره على كف صقار معليش عندي وجهة نظر فارجو ان
تتقبليها مع احترامي لوجهة نظركـ
بعدين يصير اي مراهقه او اي وحده ما تسوي شغله الا بمكافئه احس
انها بتتعود ولا عاد بتسوي اي شغله الا بشي مقابلها والحياه قدامها
زواج وعيال وضيوف ........



ويامدمنة جالكسي الله يعافيك ويخليك لعيالكـ انتي اجلسي مع بنتك
وفهميها بااسلوب حلو ان اي بنت على وجه الارض لازم اقل شي
تخدم نفسها واهلها وعلميها بماضيك في الشغل في بيت اهلك
واعطيها امثله بفلانه وعلانه بس من دون تجريح وحاولي تحببيها
في الشغل وانتبهي تري اي مراهقه في هالزمن تكون حساسه
الله يعينهم ويعينا عليهم واستخدمي معاها اسلوب المكافأت
بس مو دايم عشان لا تتعود عليها وايضآ استخدمي معاها
اسلوب الحرمان من شي هي تحبه موت بس مو دايم عشان
ماتكون بينك وبينها حواجز
والله يرزقك برها وبر اخوانها

ماله داعي تضربيها عشان شي تافه


الله يهديك

لااااااااااااااااتضربين يالغاليه راعي سنها لاتخلينها تلجأ لعماتها ولا جدتها أو حتى خالاتها وأمك وانتي موجوده ممكن تشوفك قاسيه خصوصا لما اللي حولها مايشتغلون أو أمهاتهم مدلعينهم انتي أقرب لها من الكل مادامها تعرف أساسيات الشغل كفايه شوي شوي هي بتتحمس انتي عليك كأم تحددين بعض الأشياء تلتزم فيها ترتب غرفتها تساعدك لما تكونين انتي والشغاله مزحومين صدقيني سنها وفتره ان شاء الله وترجع أحسن ان شاء الله تفرحين فيها عرووووس

مدام بنتك تسمع كلامك من اول في بيتكم وترتب غرفتها - هذا يعتبر شي طيب جدا -وخاصة بالعمر هذا وانا والله ماالومك في ناس اعرفهم الحمدلله رب العالمين بناتهم بالجامعة وغرفتهم لاتعليق من الوسخ والحوسة واذا شفتي امهم عرفتي!

بنتك عطيها الامر ووضحي لها انكم مو في بيتكم يعني لو احد شاف غرفتها كذا ماراح ينسون لها هالشي وبيضحكون عليها- واذا ماطاعت حاولي تزعلين منها ولاتكلمينها - واذا كلمتك طنشيها - بكذا تكوني لعبتي ع الوتر النفسي عندها بدون ماتحركين لها شعره بس مو تخلين المدة تطول تصير تتعود على زعلك -

الله يسخرها لك ويرزقك برها

لايضيق صدرك ولا شي انتي وجهيها وكلميها انك بتعدينها للمستقبل وانك بكرة يابنتي بتدعين لي اذا تزوجتي وانتي عارفه كيف تدييرن بيتك وقولي لها انك تقرين في النت كيف البنات يجون يشكون من اهمالهم ووساخت بيوتهم هذا لانهم ماتعودوا في بيت اهلهم على النظافه والترتيب انتي خذيها بالكلام والمساحر وشوي شوي صدقيني بينمو معها حب النظافه (انا كنت ما احب التنظيف يوم كنت عند اهلي وكنت عجازة بس امي الله يطول بعمرها واختي ما تركوني يقولون لي واللي يجي مني زين انا الحين ما امدح نفسي بس رمز النظافه عند حمولتي واهلي حتى اختي تقول اول عذبتينا والحين انتي احسن منا )الزبدة انتي وجهي وارشدي وساعديها يعني ادخلي شوي معها بالغرفه وابدأي مسحي واطلعي بدون ماتحس انك بتتركيها قولي بشوف شي وارجع لك ترى الموضوع مو كبير للدرجه اللي انتي متخيلتها بس يبيله طولة بال وصبر وشوي شوي تتعدل خصوصا عمر بنتك اشين عمر العمر اللي هو نفسه مايدري وش يبي وانتي نيتك حسنه ان شاء الله بكرة اذا كبرت وتزوجت ان شاء الله بتعي لك انك علمتيها وفهمتيها