بنتي كذابه !!!

السلام عليكم

لا يغركم عضوة جديدة انا من عهد جدتي بعالم حواء لكن يضيع الباسوورد ولا يقفل الايميل واعمل نك جديد :27:

المهم بنات ابغى احكي لكم عن موقف مع بنتي .. اللي حصل انها كذبت عليه في تقرير الدرجات حق المدرسة التقرير ما يسر القلب وقالت انهم غلطو في الكنترول وعدلو الدرجات ولمن قلت بكلم المدرسة جاتني تبكي وتقول ماما انا اسفة كذبت عليكي ... لمدة اسبوعين مكذبه عليه
انا انصدمت لانه ماكان مبين عليها تكذب والعاده اكشف عيالي لمن يكذبو بس المرة هذه خفت عليها بصراحه ووسوست ايش بقي كمان كدبت فيه :mad:
وصرت احس اني ما اثق فيها لساتها صغيره عمرها 14 سنة وعلاقتي معاها حلوه بس حسيت انا سبب تقصيرها في الدراسة لاني ما اضغط عليها عشان ما تتعقد وتكره المدرسة
وكمان يمكن انا اللي خليتها تكدب ياربي والله انقهرت
اللي خبيرة في مثل هذه الامور الله يوفقها تساعدني مره احترت !