اخواتي الغاليات امهات المستقبل
بنتي دلوعتي جننتني
عمرها سنة وشهر ولدتها هادئة ورقيقة
كل ماتكبر يزيد تعبها وشقاوتها
الى ان وصلت الى مرحلة جدا متعبة
مافي كاس ماكسرته ولا شيء بالدرج الا وطلعته
حتى التلفزيون اذا قعدنا نناظره تجي تطفيه وتتعبث فيه
صحن القهوة يالطيف اذا جبته اخلي الشغالة ترجعه مايقعد دقيقة
تحوس التمر واتكبب الموية وتلعب بالزمزمية:eek:
كله كوم واذا حطيت وجبة غداء او عشاء
تجي تركض عالسفرة كأنها ماتشوف الصحون تدعس عليها
ماتهنى بقعدة ابد
افياش الكهرباء ماتخليها اي شيء مشبوك تفصله:22:
تحب ترقى وتتسلق علشان تطلع فوق سريري
ترقى المكتبة وتتمسك بالاستريو وترقى سريري
تنطط فوقه اخاااااف عليها من كل هالاشياء ولا ماهمني التكسر والخراب
استخدمت معها اسلوب لا وعيب مافاد ماكانها تسمع
لاتقولون لي ماتفهم ماشاء الله عليها تبارك الله
تفهم كل شيء
والدليل اذا هاوشتها ماتحاكيني وتقرب جنبي وتخليني اشيلها طول اليوم
استخدمت اسلوب الهواش اصارخ عليها واطقها طق خفيف على يدها مافي فايدة
واذا جيت انومها بالليل
ماترضى تنوم بسهلة تدور تلعب
وصلت لمرحلة اللي يشوفني اول مره ويشوف بنتي يقول وش هالام اللي ماتربي بنتها
صرت اشوفها تكسر وتصايح بدون سبب وتدلع وتحوس وانا اتفرج
اعطوني حل
حسوا فيني شوي فيه بيبي جاي بالطريق:eek:
ماعندكم حوش تحطين فيه العاب وسيكل صغير وحركات تلهيها وتطلع طاقتها وتطيح الي براسها خخخ
طلعيها تلعب وتتحرك وحاولي قدر الامكان تصيرين هاديه معها قولي لا بهدوء ووجه جاد وزعلان شوي
وشيليها من المكان الي تتسلق له كل مارقت نزليها بدون تعصيب الين تياس يبي لدعوه صبر بس نتيجتها مضمونه باذن الله
ترا الطفل مايتعلم العصبيه والنفخ والضرب والعنف الا من اهله انتي من هالنقطه لا تتعلم العصبيه وتصير عصبيه لا سمح الله
وربي يصلحها ويخليها لك مرحله وتعدي وتكبر عقبال ماتشوفينها عروس :)