امي اغلى ماعندي :

هلا بك اختي انا عندي بنتين وحدة 13 سنه والاخرى 10 سنه وعلمتهم كل شي طبعا اول ماعلمتهم الدورة قلت لهم ان البنت تبلغ عند سن معينه وهناك علامات للبلوغ وهي بروز الثديين وظهور الشعر بالابط والعانه وفيه شي اسمه الدورة الشهريه هذا دم ينزل على الحرمه في وقت معين وايام معدودة فلما جتني الدورة دخلتهم معي دورة المياة وعلمتهم كيف يلبسون الحفاظة علشان ما تتسخ ملابسهم من الدم ماتتخيلو يا اخوات كيف هالموضوع مضيق صدري لاني خفت يلعبن بجسمهن بدون ما يدرن مثل البنت اللي كانت تنظف نفسها تدخل الشطاف اذا جتها الدورة لحد ما لعبت بجسمها دون قصد منها فعلمت بناتي ان المكان هذا ما يلعب به ولا تدخلين اصبعك او اي شي ثاني لانه دليل شرفك فكنت كثير ما اقول انتبهوا تلمسون هالمكان وعلمتهن كيف ينظفن المكان بمنديل طبعا تنظيف خارجي اما بالنسبة لشعر العانه قالت اختي الصغيرة خليهم يقصقصونه بمقص علشان ما يكثر ويطلع كثير وفعلا شريت لكل وحدة مقص خاص فيها واخليهم كل جمعه يقصقصون وفعلا سبحان الله الشعر نابت خفيف اما الابط ففي البداية يشيلونه بالمنقاش لانهم خايفين من االحلاوة وحذرتهن من الموس لها المنطقة ويوم دبلن كبدي اسدحهن على سريري واخليهن ينزلن بلايزهن او قميصهن ويستترن بشرشف لكل وحدة واجيب حلاوة واشيلهن بخمس دقايق وبعد يومين اخليهن يستخدمن خلطة مسويتها وهي مقدار فنجالين قهوة مسك وفنجال قهوة واحد شبه بيضاء وتطحنين المقادير كلٍ علة حدة وتحطينهم فوق الثلاجه وبعد ثلاث ليالي تخلطينهم مع بعض تدرين ليه لان الشبه حارة واذا خلطتيها مع المسك تقضي على رائحته وطبعا علمتهم ان الفوط تغير كل ست ساعات وحسب وضع الفوطة ايضا علمتهن ان الدورة اذا بلغتي وجاتك فهذا شرف كبير لك لانك راح تصيرين ام فهذا شرف لايضاهيه اي شرف المهم علمتهم اذا جت الدورة وش الماكولات اللي تاكلها والمشروبات الساخنه وانه لازم تلبس شراب وكل شي وصرت اتابعهم ايام الدورة وطبعا لما جتهم الدورة سوينا حفلة عشاء وعزمت اهلي امي وخواتي وقعدنا نبارك لهم كانت ليله من احسن الليالي تكلمتهم امي وعلمتهم كل شي ايضا رحت وشريت استشوارين لهم وقلت لهم ترى ما فيه كوافيرات انتن تعلمن وعطيتهن فرصة سنه علشان حرام ما اكون صعبة معهم لان شعورهن طويلة ما شاء الله والكوافيرات بصراحة ياخذن فوق 400 ريال ايضا اذا جوني حريم اخليهن يرتبن انفسهن ترتيب بسيط ويساعدني في عملية الضيافة ونجحت بهذا كثير خلي بناتك صديقاتك ولا تبخلي عليهن بشي ابدا علميهن كل شي دون خدش حياء

هلا بك اختي انا عندي بنتين وحدة 13 سنه والاخرى 10 سنه وعلمتهم كل شي طبعا اول ماعلمتهم الدورة قلت...