بنتي كملت 6 شهور وماطلع لها اسنان

عادي حبيبتي مو كل الاطفال زي بعض يمكن بنتك من النوع اللي عندهم تأخر ببزوغ الاسنان تطمني ولا تشغلين بالك ولد بنت خالتي كمل سنة ما طلعت له اسنان

ايوه عادي بنتي الحين عكس اخوانها تأخرت توها عشرة شهور وفقشت سنونها ههه ثنتين تحت وتعبتنا معاها بس تبكي وغير الاسهال الله يكرمك. لكن ماشاء الله عليها زحفت مبكر عشان كذا يقول الا يزحف مبكر يتأخر في التسنين والعكس

مشكورين بنات

عاد بنتي كسولة من كل النواحي لا تقلب ولا تزحف ولا اسنان

عادي يقلبي انا عيالي الاثنين ربي يحفظهم طلعت لهم الاسنان في تسع اشهر..
كل طفل يختلف عن الثاني..جارتي عيالها م يطلعلهم اسنان الا في عمر السنة..وقريبتي ما شاء الله ابنها من سبع اشهر طلع اسنان وبدا يمشي..
ربي يسهل امرك..

وعليكم السلام ورحمة الله وبركاته .
انا بنتي ماحبت الا بعمر 11 شهر .. وسننت بعمر سنه وثلاث شهور .. ومشت بعمر سنه وثمان شهور .
وولدي ماشاء الله سبع شهور وسنن،، ماكمل السنه الا وهو يمشي .
الاطفال يختلفو عن بعض حتى لو اخوان .

لكن في بنتي لما عطيتها فيتامين د نقاط نقطتين باليوم ماشاء الله تحسنت كثير لان اصلا عندها زي الرخاوه ماتشد نفسها ابد ،، وزاد عليها ان عندنا تاخر في الاطفال في المشي والتسنين .
عطي بنتك منه وان شاء الله تستفيد كثير منه .، هو تعويض لها عن التعرض للشمس .
الزجاجه صغيره 15 ملم .. المفروض تخلص خلال ثلاث شهور .. لاتكثري لها اكثر من اربع نقاط كل اربعه وعشرين ساعه انتبهي حتى لو كبرت .
نقطتين الى ثلاث كافيه جدا.
موفقه .