لما قريت موضوعك رجعتيني لوراى كثير كثير نبشتي شيء بداخلي اتحاشاه واتحاشاه
شفت بنتك فيني لما كنت بعمرها كانت امي ماعندها حنية علي ونفس بنتك دائما اهتم فيها واخاف عليها حتى من نفسها (امي ماحنت علي لاني البكر وهي تزوجت بعمر صغير.. طبعاً مو عذر لأن قلب الأم مايعرف عمر) المهم والله كنت ابكي واتشفق عليها وانجرح ولا احسسها بشيء كنت لما اشوف قريباتي وامهاتهم او صديقاتي بالمدرسة وامهاتهم يوجعني قلبي كثير واكتمها بداخلي ..بعد زمن لما كبروا شوي اخواني صارت امي حنونة عليهم تضمهم وتبوسهم في ذاك الزمن تحز بخاطري بس اسكت كبرت وانا ادور للحنية واي أحد يقول لي كلمة لطيفة او حنونة اتعلق فيه لاشعورياً(ناقصة حنان.😂) وتعلقت في عمتي الي هي زوجت عمي كانت حنونة علي كثير الله يرحمها توفت وانا بعمر 16 بكيت عليها كثير ولليوم ابكي عليها ... الحين مرت السنين و صرت إمرأة وفي داخلي طفلة لسا تدور حنان امها 💔 يمكن لو تقولي متى آخر مرة حضنتك امك اقول ماذكر .. بقولك شيء مهم انك توفري لها الاكل والبس وكل الي تحتاجة وتعتبرية أنه حنيه وعطاء ترى مراح يطلع بعينها لو مثقال ذرة .... تكفين انا حاسة فيها حسسيها بحنانك حتى لو تمثيل ماابغيها تعيش الي عشته ومبين عليها انها حنونه الله يحفظها ... ومن كلامك باين انك تحبيها من دخلك طلعي محبتك هذي واهتمي فيها وتعوذي من الشيطان كلها وسوسة .. وابوهم الله يسخره لكم ..ولاتنضغطين ترى الحياة ماتسوى حاولي تتجنبين الضغوطات وترفهين عن نفسك لو بأشياء بسيطة واهتمي بنفسك وبعيالك وبكره كل شيء بيتغير وضغوطات الحياة بتنتهي ومافي شيء يدوم على حاله (على الأقل لاتخسرين عيالك عشان ظروف ماتسوى بكرة تتحسن الاحوال ومايبقى لك ألا عيالك) الله يسعدك ويحفظك طولت بس معليش تحملي 😂
أن شاء الله تشوفين كلامي

والله هذا لي انا خايفه منه بس الشغله ماهي بيدي برغم ان خواتي يقولون انتي مره حنون ولو طفل اشوفه يبكي ابكي معاها يقولون ماتوقعنا انك تكونين قاسيه ع بنتك

معليش وبدون زعل انتي انانيه وهي وش دخلها بالي بينك وبين ابوها
اصنعو لنفسكم جو طالما مايطلعكم خلاص لاتستسلمين خليهم هم يطلبونه صدقيني بيوافق واناي في بيتك اسعدو نفسكم بنفسكم
ضميها حني عليها ناديعا سوو انتي وعيالك كيك مع شاهي وانبسطو لا تشكين قدامهم لاتقولين مقدر طالما تحنينن على الباقي وهي لا فمالك عذر يختي بنتك قطعه من قلبك
دايم سولفي معها تكلمي معاها خذي اخبارها

الله المستعان بحاول

كيف ماتقدرين وش الاستهبال هذا!
حتى لو من ورا قلبك
لاتحطي حرتك من الحياة فيها ترا باقي طفله تحتاج احتواء
داخله على المراهقه انتبهي تلاقي احتواء من غيرك
الله يصلح حالكم ويحنن قلبك على عيالك