نااديه العتيبي @naadyh_alaatyby

عضوة نشيطة

بنتي لها يومين ماتاكل

مراحب يا امهات

انا بنتي عمرها 10 شهور

لاحظت عليها هاليومين إنها ماتاكل ابدا

إذا اكلتها تجمع الاكل في فمها وتجلس ربع ساعه وبعدها تطلعه وتبكي ماتبيه

مع إنها قبل ماشاء الله تاكل عادي

ماادري وش فيها والله صدري ضايق:44: وش اسوي لها ماابي اعطيها فاتح شهيه اخاف تتعود

او تنصحوني فيه وكيف الطريقه معاها تكفون ترى ماعندي الا هي

الله يجمعها بجناته مع الانبياء اللي تجاوبني

يلزم عليك تسجيل الدخول أولًا لكتابة تعليق.

تسجيل دخول

..ديمو.. • 14 سنة

يمكن تسنن ومنسده شهيتها ياعمري

نااديه العتيبي • 14 سنة

هي طلعلها سن إثنين تحت

من شهر بس ماصار معها كذا

ريمتوه • 14 سنة

يمكن تسنن أو ألتهاب في اللوز

اشراقة شمس2 • 14 سنة

ياعمري لا تخافين الاطفال لااااااااازم يمرون بهالمراحل مره ياكل زين ومره لا
اما بسبب تسنين او مرض عارض
لاتخافين عليها ان شاء الله ترجع تاكل
تعرفين الدكتوره وش تقول لي ... الطفل مثل الاسهم مره طالع ومره نازل
الله يحفظها لك وماتشوف شر يارب

Nina~ • 14 سنة

لا تخافي .. لما تسنن يصير لهم كذا ..

هي تنزل من فمهـا لعـاب كثير .. او لا ..

لأن اللي ينزل منهم لعاب يجوز عندهم فطريات بالفم ..
هذا يخليهم ما ياكلون ..