زيت سمك القد مفيد جداً و يفتح الشهيه لكن للاسف انقطع من الصيدليات ..

خذي لها فيتامينات وفاتح شهيه من الدكتور .. وانا مع اللي قالت اخلطي حليبها بما الحلبه لأن الحلبه جدآ مفيده
وسهلي الأمر عليك خليك حازمه ولاتغصبينها وتهاوشينها حتى وان عصبتي انتبهي من هالنقطه لأنها راح تعاندك جدا جدا جدا
وبيرتبط الاكل عندها بمشاكل وصياح
اكلي معها انت وانت تناظرين التلفزيون ومدي عليها الملعقه وسوي روحك مطنشتها وانك تتابعين ومندمجه حاولي اكثر من مره
وخذي لها مكمل غذائي واعرفي انها فتره وتعدي عند الاطفال انعدام الشهيه .. الله يهديهم يارب ويصلحهم ويخليهم لنااا

عطيها فيتامينات فاتحة للشهية وبعدها دخلي الحديد عشان تجوع وتاكل
والبدياشور مكمل غذائي استخدمه لولدي زي الحليب بنكهات
والاكل حاولي تجربين تاكل بيدها او مع اطفال مثل عمرها
او وهي تلعب حاولي لو لقمة تاكلها او تستخدمين طريقة المكافئات
شي تحبه مرة تقولين تبينها تاكلين قبل واعطيك او من هذا القبيل

انا اقولك طريقتي كيف مع ولدي بس تكفين ادعيله انه ينطق ويتكلم
ابني عمره سنه ونص كان اكله كله عصير وحليب نيدو ومن ثلاث اسابيع صرت اوكله غدا وعشاء ايدامات ورز ومكرونه بس باقي الفواكه والخضار مابعد اكلها وانا ماحولت معه
ماشاءالله صار ياكل وترك الرضاعه بالنهار فقط بالليل اذا كان نايم وصحى اعطيه رضعه
طريقتي بالمختصر اني اجوعه بين اكله واكله اخليه 4ساعات جربي وباذن الله تنجح معك

طيب انتي تقولين جربتي كل شي ...


شوفي حبيبتي ابعدي عن فاتحات الشيه بشكل كلي لأن أغلبها ما يفتح الشهيه مجرد خدعه و البعض فيتامينات تسمين وما منها فايده دام الطفل بيتعود عليها وما بياكل ..
الحل انج تحببينها بالأكل ... أقولج كييييييييف ....




هاتي اسباغيتي .. و اطبخي الحبات طويله مثل ما هي لا تكسرينها أبدااا ... واهني شوفي طريقة الطبخ .. حطي قدر فيه ماي وشويه ملح و رشه خفيفه زيت زيتون و بعد ما يسخن الماي حطي حبات الاسباجيتي لين تستوي و صفيها وحطيها في صحن جميل وملون .. ركزي على شكل ولون الصحن لأنه لها دور في جذب الأطفال .. وممكن تاخذينها معاج ع السوق تختار صحن خاص فيها وعلى ذوقها ..
وقت الأكل اقعدي وقعديها جنبج ولا تقوليلها اكلي أبداااااااااا ... امسكي حبه واشفطيها بطريقه تضحك وخليها تشوفج وبعدين قوليلها تعرفين تسوين نفسي .. اضحكي واستخفي دمج واكلي بطريقه مضحكه و هي بتقلدج ... بس انتبهي لا تقولين اكلي لها أبدااا ... لين تتعود وتحب الأكل ...


وبنفس طريقه طبخ الاسباجيتي اطبخي لها مكرونه واختاري اشكال الحروف او أي شكل حلزوني أو الملون المهم نوعي كل مره نوع ويفضل الشكل يكون صغير لأنه أغلب الأطفال يحبون الشي الصغير ..
وبعد وقت الأكل اقعدي اكلي وقوليلها خلينا ندور على حرفج بين حبات المكرونه علشان ناكله خخخخ و هالطريقه حببت بنتي فالمكرونه و بعدين قمت أسويلها شوربة الحروف الجاهزه اللي عليها صورة توم وجيري وأخليها تشوفني وأنا أفتح الكيس وأطبخه و تتحمس واشوي اشوي هي اللي بتطلب منج تسويها لها .. وقت الأكل حاولي تلهينها بالضحك والسوالف علشان تاكل من غير ما تحس ..


بخصوص الفواكه ... حطي العنب في أعواد خشبيه وحطيهم على الطاوله واكلي جنبها ومدي لها عود وبتقلدج بشكل لا إرادي .. و نفس الشي ممكن تسوين مع أي نوع فواكه مثلا حكي حبة عنب وحبة فراوله وقطعه بطيخه صغيره و قطعه خوخه وهكذا ... بس لا تكثرين علشان ما تمل منه كل عود خلي فيه أربع أو خمس حبات صغار ...


شوفي هالصور يمكن تفيدج ... وفالنهايه لا تستسلمين لصياحها وقت الأكل ازعلي منها لو شفتيها ترمي الأكل مثلا ولفي ويهج عنها ولا تردي عليها اذا كلمتج عشان تعرف انه اللي سوته غلط ..
والله يصلح عيالنا أجمعين يا رب...