بنتي ماتت

السلام عليكم ورحمة الله وبركاته : اخواتي انا من اسبوع فقدت بنتي و مو بعارفه وش السبب كنت حامل و راجع بمستشفى حكومي بشكل منتظم و كل شي كان ممتاز لين خلصت الشهر السادس فجاه توفى الجنين انصدمت صدمه و احتسبت الأجر عند الله و رحت مستشفى ثاني و جلست بالمستشفى ما يقارب اسبوعين و يوميا طلق سو لي قسطره مرتين و طلق محلول عن طريق القسطره 6 مرات وما انفتح رحمي و من عذاب لعذاب لين سو لي تحميل و انفتح و نزل كنت وهي ببطني ابيها بس تنزل لما نزلت ما قدرت اشوفها مره و طلعت فيها بالكفن و الله تعبت تعبت كل ما اذكرها اتعب نفسيا انعزلت الناس و كل شي ما اطيقه بس الحمد لله صابره و على طول احتسب اجري عند الله و ان شاء الله ربي يجمعني بها بجنات النعيم و الي صدمني اكثر انه كان فيها تشوه و المستشفى كانت تقولي كل شي ممتاز عندك حتى سبحان الله كنت حاسه قلت للدكتوره فيها بنتي عيوب او تشوه دققي قالت لا كل شي ممتاز و بنتك بصحه و عافيه حتى الفوليك قالت ما تحتاجينه بس وش صار مدري. توني انتظر الفحوصات و الله يستر و زوجي يبيني احمل لو ربي اراد و نطلع من الوضع الي احنا فيه وش تنصحوني فيه هل ممكن يتكرر الي حصل اذا حملت و ماعرفت السبب و كم يستمر دم النفاس و كم يبي لي علشان افكر بالحمل و أرجوكم تعتبروني اخت لكم و تدعولي انه ربي يعوضني بتوأم بنات أرجوكم لا تنسوني من دعائكم نفسي تعبانه وخاصه ينزل مني حليب اذكر انه هالحليب لها وما رضعته اتعب مو عارفه كيف يوقف الحلي و كمان وش استخدم علشان انظف وحمض الفوليك أبدا استخدمه و لا بعد ما ينتهي الحيض لانه الدكتوره قالت استخدمي حمض فوليك وحديد قبل الحمل وكم ملي جرام استخدم وجزاكم الله خير