بنتي ماترضع طبيعي ولاصناعي :(

حبيبتي الف مبروك
انا مثلا ما نزل الحليب الا ممكن بعد 6 ايام مره كان ماينزل بس عوديها قربيها من صدرك وعلميها كل ما تحطه بفمها بينزل.
انتبهي لاهلك اشربي سوايل واكلك لحم ومكسرات وتمر وسم سم مره مره يزيد الحليب والسلطات الحاجات اللي لونها اخضر
وبالنسبه للحليب الصناعي الان كميه بسيطه بتخليها تشبع على العلبه مكتوب كل وزن كم مل وكم ملعقه. واذا وزنها اقل من اللي مكتوب على العلبه قدري انتي الكميه لان غالبا الرضعات بالعلبه مكتوبه من 90 مل.
يعني ابتدي ب50 مثلا لانها دوبها صغيره ومثلا ملعقتين. وشوفي يناسبها وهل تقدر تشرب الرضعه وبعد فتره زيديها وكذا.

اذا المكيال صغير يعني كل مكيال واحد ل30 مل واذا كبير 60 مل وممكن تحطين نص المكيال الكبير ع 30مل ماي..هذا الي اتذكره بس تاكدي من التعليمات فالعلبه واما الحليب ماراح يدر من اول يومين خليها ترضع حتى لو ماطلع شي لين تتعب راح تبكي عطيها شويه حليب صناعي 30مل كفايه وباقي الوقت خليها ترضع لان عالمحاوله راح يبدي الصدر شوي شوي يدر حليب باذن الله وكلي سمسم وطحينه وسوايل كثير والله يوفقك

حبيبتي دام صدرك متحجر يعني فيه حليب
عطيها صناعي بجانب الطبيعي
بقول لك على عده امور ممكن تساعدك في الرضاعه الطبيعيه
مخده الرضاعه
بالصيدليات فيه حلمه سيلكون تنحط على حلمه الصدر تساعد الطفل على الرضاعه وفيه منها احجام اخذي اصغر حجم
امسكي حلمه الصدر بالضغط عليها وحطيها في فمها
اطلبي من ممرضة او اخصائيه الرضاعة تعلمك لاتخجلين
تابعي بالنت طريقة الرضاعه
اخذي شفاط نوع جيد لأنه الأنواع العادية ماتسوي شيء
بالنسبه للخليب الصناعي اتوقع كل 30 ملي ملعقه واحدة بتشوفين التعليمات على العلبه


اللي أنت فيه بدايه كآبه مابعد الولاة علشان كذا تكوني حساسه واقل شيء يبكيك
خليك قويه لأنه زيارة الناس لك ممكن تزيد الوضع خصوصا اذا كل وحده بتعطيك نصايح كأنك ماتفهمين شيء
ذكرتيني بلي مضى صرت بحاله كآبه بسبب الناس وكلامهم لي خصوصا كان ولدي مايرضع طبيعي
الكل من يجي يتفلسف علي ويحسسني أنا السبب اللي ماابي وحارمته منه وووو
خلوني في حال يعلم فيه ربك ,, بس الحين تعلمت واخذت درس

مع ** الثدي ينزل الحليب واول الحليب ضروري لمناعة الطفل لا تخلينها عطيها تمص وبينزل وتشوفين كيف يكثر سبحان الله والصناعي اصبري عنه شوي الحين ركزي ع الطبيعي عشان بطنها ومناعتها اذا كملت اسبوعين ابدي دخلي رضعة وحدة صناعي بالليل عشان تنوم والف مبروك وشي ثاني لا تبكين وتحزنين ترا تتاثر بنتك بحالتك النفسية وممكن يجيها صياح عطيها صدرك كل جهة ربع ساعة وبعدها وقفيها وطبطبي على ظهرها عشان تطلع الهوا

يعطيكم العافيه خواتي
الحمدلله صدري طلع فيه حليب بس المشكله عندي بالحلمه تمسكها يدوب ثواني وتتعصر وتفكها وانا مااحب امسكها واسحب فيها استخدم الشفاط عشان اخفف التحجر بس برضو الحلمه مو راضيه تكبر شكلي بجرب الحلمه الصناعيه