ساعدوني
بنتي عمرها الحين 1 سنه واربع اشهر تقريبا... الله يحفظها ويهديها ويصلحها ماترضى تنام بسريرها.. ماتبي الا تنام على سريرنا ... وكل ماتنام في سريرها ترد تقعد بعد ربع ساعه او نص ساعه وتوقف تناديني ..والا تبي تاتي وتنام عندنا... مع ان سريرها بالقرب من سريري ومن تاتي يمنا تنام بسرعه..وتخيلو لو امسكها واخليها بحضني علشان انومها ترمي نفسها على سريرنا وتنام بسرعه..ومن احاول احركها او اردها سريرها قامت بسرعه ورمت نفسها بسرعه يمنا.. شسوي؟؟
ابي حل .. من مرت بنفس حالتي؟؟ وشنو سوت ويه ولدها او بنتها؟؟
ولا تقولون لي اهي يمكن تبيكم.. لا اهي المهم عندها سريرنا..لان لو احنا مو نايمين بالسرير .. تبي اهي تنام.. وحتى لو ترمي نفسها من ايدي وتنام باي مكان حتى لو طرف السرير بس المهم يكون سريرنا
نونو سونا @nono_sona
عضوة نشيطة
يلزم عليك تسجيل الدخول أولًا لكتابة تعليق.
bako
•
الخير عندكم وعندنا ، انا ولدي بو سنه ونص نفس السالفه ما ينام الا عالسرير معانا وحتى لو انيمه على فراشه يرد وينام معانا ، بالنسبه لي عادي مافي مشكله بالعكس انا ارتاح لمل ينام بحضني ..فدييييييييييييييييييييييته...
يااختي والله حتى انا ارتاح واستانس لما تنام عندي.. بس المشكله بنتي نومها عكس الناس.. تتحرك وايد وفجاه تلقين راسها صوب ريلها.. والعكس.. والا تخيلي.. راسها صوب بطني وريلها على وجهه ابوها... يعني تبي السرير الكبير كله لها وهمن تتحرك وايد.. بصراحه اخاف عليها.. سريرها أمن لها.
يبيلها بس اسبوع وتتخلص من هالعاده
بس انتي عندج استعداد للتعب اسبوع؟؟؟
اذا قعدت من النوم تبي سريركم طنشيها
ولا سوي نفسي
اسحب سريرها والزقه بسريري واحط ايدي معاها بالسرير واقولها يعععععععع سرير ماما فيه شعر
سرير نونو حلو ومرتب :)
واذا رفضت انزلها واطلع سريرها برى واقول خلاص بعطيه لدادا ثاني بعطيه لفلان ولا فلانه
تنجن عاد هي بخيله
انتي طولي بالج وصدقيني بس اسبوع متعب وبعدها رااااااااااااحه
بس انتي عندج استعداد للتعب اسبوع؟؟؟
اذا قعدت من النوم تبي سريركم طنشيها
ولا سوي نفسي
اسحب سريرها والزقه بسريري واحط ايدي معاها بالسرير واقولها يعععععععع سرير ماما فيه شعر
سرير نونو حلو ومرتب :)
واذا رفضت انزلها واطلع سريرها برى واقول خلاص بعطيه لدادا ثاني بعطيه لفلان ولا فلانه
تنجن عاد هي بخيله
انتي طولي بالج وصدقيني بس اسبوع متعب وبعدها رااااااااااااحه
والله يااختي امس سويت جذي
طول اليوم وانا اقولها..سرير ماما وييع مو حلو وسرير بنتي حلو
اول مابديت اسالها وين تنامين.. تقولي انام في سرير ماما
بس لي بالليل وبعد الدروس وتعليمها ان سريرها حلو.. واني اقولها انتي تنامين في سريرج..اهني بدت تقتنع
بس بصبر وبتحمل التعب .. لي درجه امس ظلت تقوم وتناديني.. وعلى فكره سريري لاصق في سريرها
فكل ماقامت وتاشر صوب سريرنا.. رديت كلمتها وقلت لها ..الله سرير بنتي حلو.. يلا نامي
والحمدلله ترد تنام .. بس ترد بعد ساعتين تقوم
لي الصبح وانا جذي معاها
بس الحمدلله وايد تقدم..يعني قبل لما اقولها نامي.. تعصب وترفع نفسها علشان اشيلها
..يلا وانشالله الايام اليايه تصير احسن وتنام متواصل بدون لا تقعد
طول اليوم وانا اقولها..سرير ماما وييع مو حلو وسرير بنتي حلو
اول مابديت اسالها وين تنامين.. تقولي انام في سرير ماما
بس لي بالليل وبعد الدروس وتعليمها ان سريرها حلو.. واني اقولها انتي تنامين في سريرج..اهني بدت تقتنع
بس بصبر وبتحمل التعب .. لي درجه امس ظلت تقوم وتناديني.. وعلى فكره سريري لاصق في سريرها
فكل ماقامت وتاشر صوب سريرنا.. رديت كلمتها وقلت لها ..الله سرير بنتي حلو.. يلا نامي
والحمدلله ترد تنام .. بس ترد بعد ساعتين تقوم
لي الصبح وانا جذي معاها
بس الحمدلله وايد تقدم..يعني قبل لما اقولها نامي.. تعصب وترفع نفسها علشان اشيلها
..يلا وانشالله الايام اليايه تصير احسن وتنام متواصل بدون لا تقعد
اللهم اشفي وعافي والده &ليمووونه& واعطها الصحه والعافيه وفرح قلب ابناءها وبناتها واهلها بالشفاء العاجل واسعدهم ... امين يارب
الصفحة الأخيرة