السلام عليكم ورحمة الله وبركاته
بنتي عمرها 17 سنة وهي ماتسمع الاغاني من سنتين المهم انه اختي الصغيرة الوحيدة
هي بسن بنتي المهم الله يارب يهديها هي عارفة انه بنتي ماتسمع الاغاني
اتصلت اختي على بنتي وقالت لها ترى انتي معزومة بحفلة دي جي وضروي تجين معي
لاني ما ابغى اروح لحالي وردت بنتي عليها وقالت بشوف وارد عليك المهم بالاخير وافقت
لانها مجبورة ومن ضغوطات اختي عليها الله يهديها ويفتح على قلبها ماتبي تروح بلحالها
المهم انه اختي اتفقت مع بنتي على الملابس والتسريحة وما ادري ايش وما ادري ايش ؟؟
المهم انه بنتي ماكانت مرتاحة لهالحفلة ولما جاء من بكرة وكان يوم الثلاثاء الي فات راحت
للمدرسة وقالت لصديقاتها عن هالحفلة ووحدة من هالصديقات قالت لبنتي تصوري انك
رحتي للحفلة وربي قبض روحك هناك .. عاد هنا بنتي بسم الله عليها انخرعت وتغير لون وجهها
ولما رجعت من المدرسة جت عندي وقالت لي عن رد صديقتها وانا على طووووول قلت يابنتي
بلاش منها اصلا هالحفلة ماترضي رب العالمين وانتي ولله الحمد من فترة طويلة ماتسمعين للاغاني
وتروحين لهالحفلة الي مو بس الاغاني فيها حتى البنات هناك ولبسهم وكل شي هناك مايرضي ربي
قالت لي والله يايمه اني ما ابغى اروح تكفين يايمه صرفي اختك هذي هي الي اصرت علي وانا ما ابغى
اكلم عليها ثم تزعل علي قلت ان شاءالله بكلمها المهم انه مر اليوم ونسيت اكلمها ولما جاء بالليل
وقبل النوم سبحان الله بدأت رقبة بنتي تألمها وهالألم سبق وجاها من قبل المهم هي ماماعلمتني عنها
ونامت ولما جاء صباح الاربعاء اخذت الجبيرة وركبتها على رقبتها وراحت للمدرسة وهي تتألم بشدة من رقبتها
ماتحركها ورجعت من المدرسة والالم يزود اكثر ولما جاء العصر قالت لي يمه طلعت لي ورمة من عند الذقن
فقلت اكيد هذي غدة لانها ضاغطة بالجبيرة على منطقة الذقن عشان كذا ورمت المهم استخدمت كمادات
وخف الورم وبعدها بشوي راحت بنتي تكلم على اختي عشان تعتذر عن الروحة وعلمتها عن رقبتها وكذا
قالت اختي اصلا مافي حفلة خلاص كنسلناها وهنا بنتي ارتااااااااااااااحت مررررررة وقالت خيرة
قالت لي يمه ترى انا طول هالفترة وانا ادعي واقول يارب يتكنسل هالحفل والحمدلله ربي استجاب دعوتي
والله حتى انا كنت ادعي انه يتكنسل والحمدلله على كل حال .. وسبحان الله احنا تعجبنا انه الم رقبتها
استمر يوم واحد فقط وقبل كان يجلس ايام واحيانا اسابيع الا هالمرة يوم واحد وقلنا يمكن ارادة الله
وخيرة لبنتي عشان ماتروح لهالحفل ربي صرفها عنه والحمدلله على كل حال ..
هذي قصة بنتي طولت عليكم بس حبيت اعلمكم بالتفصيل كل شي عشان تكون عضة وعبرة للجميع
اتركم في حفظ الله ورعايته .. وفي امان الله
ام بيان المبارك @am_byan_almbark
عضوة مميزة
يلزم عليك تسجيل الدخول أولًا لكتابة تعليق.
ماشاء الله لاقوة الا بالله الله يحفظها لج ياااااااااااااااارب وتقر عينج بشوفتها عروس وتربين عيالها يارب وتكون لج من الذريه الصالحه الباره يارب ويحفظها من كل شر ومكروه قولي امين
ماشاء الله ونعم التربيه ... الله يخليها لك وتفرحين فيها يارب ...
وان شاء الله أختك تتأثر ف بنتك وتصير مثلها (:
وان شاء الله أختك تتأثر ف بنتك وتصير مثلها (:
الصفحة الأخيرة
ربي يهدينا ويتوب علينا ي رب