بنتي ماتقبل الخضار .....ايش عندكم افكار؟؟؟

:27:

طيب حطيلها نوعين بس زي البطاطس و الحزر وحاولي معاها يمكن فيه خضار من اللي تحطينها
البنت ما تحبه جربي معاها كل نوع لحاله وشوفي :26:
ومع الخضار حطي صدر دجاجه من غير جلد او عظم وبعد ما يستوي حطيه بالخلاط ..
اكيد ماوكلتي بنتك من بدري من 4 شهور لأن الدكتوره قالت اللي ماتعود ياكل من بدري ما يتقبل الاكل بعدين
واذا طفشتك مره ماترضى تاكله جربي الفواكه المشكله اهم شي ما تتركينها بدون اكل :27:
ربي يوفقها وتطلع سنونها وتاكل من حالها :27:

الله يخليها لك
اولا احب اعطيك فكره انه الطفل اذا كمل التسع شهور وانتي تطحنين له الاكل ..راح يرفظ االاكل نهائيا وراح اتعانين معه كثير يوم يكون عمره سنه الى سنه ونص..اسالي مجرب
مهم..لا تستعملين الثوم والبصل والملح والبهارات..
1 ملعقة طعام ارز مغسول جيدا(او شوفان اوارز بني)
خضار مبشوره(بالمبشره)مثل(جزر-بطاطا كوسا)
بروكلي(زهره خضرا)وسبانخمقطعه ناعمه
حطي كل المقادير في قدر(الافضل ستانلستيل18/10صحيه للطبخ)
وحطي عليها ماء كافي(حتى تكون الطبخه مهروسه ولينه)
وبالعافيه عليها

انا ولدي جربت له كل خضرا على حده و شفت انها تناسبه

بديت اخلط له رز + جزر و كوسا و بطاطا و فاصوليا خضرا

وكنت اخلطهم بالخلاط كثير

بس الحين اخلطهم شوي بحيث مايكونون مثل الماي و يتعود على الجامد

و احط له من الغدا ( غدانا ) قطعه من صدر الدجاج مو كل الصدر مفرومه

مع ملح( ذره)

أنا كنت أحط جبن مبشور لأكل عيالي لما كانو صغار .. لأنهم يحبون الجبن ، و لما يطعمونه في اي اكل ثاني ياكلونه و احيانا اضيف روب للخضرة
صحيح شكلها خبصة و مستحيل انت تسوين ها الشي حق نفسج .. بس هاذيل يهال ما يميزون بس مفيد حقهم
بس قبل ما تنفذين فكرتي يا ريت تكونين متأكده ان بنتج ما عنده حساسية من الجبن