بنتي ما اترد على اسمها وما تتكلم

السلام عليكم ورحمة الله وبركاته

اخواتي راح ادخل في الموضوع على طول لان صايدني كآبه من كثر ما افكر في بنتي

بنتي عمرها الحين سنتين و5 اشهور وما تتكلم الا كلمات بسيطه مثل تعالي او قومي او عطيني بس مع انها قبل سنه تقريبا تنطق بشكل سليم وكثيرة الكلام حتى الكل يلاحظ انها ذكيه تقول لي اصوات الحيونات وكانت اكثير شاطره اما الحين للاسف ما احس انها ذكيه ما تفهم بسرعه حتى اني اناديها باسمها اكثر من مره ما اترد وكانها في عالم آخر بس اتحب العاب المجمعات وتضحك لما اطلعها

بصراحه انا كنت دايما اخليها في البيت مع الخدامه وكانت تتابع بشغف توم وجيري من الصبح لين الليل هل هذا هو السبب ام انها تعاني من التوحد

نادر ما تلعب مع الاطفال ومتعلقه بس في بنت اختي بس اللي في عمرها وهي الحين تتكلم وتفهم اما بنتي لا لين الحين

والله خايفه عليها كثير اذا في حد مر في مثل حالتي يطمني وايش سوا علشان البنت تنطق واتقول جمل على الاقل

واخيرا انا من قطر اذا اتعرفون اطباء زينين دلوني عليهم وشكرا

واشكركم