انا مثلك كان طفلي مو متقبلنها لبعد الاربعين و انا احاول معاه و بعدين تقبلها لكن النوع اللي كنت استخدمه حسيته اكبير على فمه مع انه قياس سنه لكن من غيرت النوعية صار يمصها زين و اتقبلها.
النوع اللي انصحك تجربيه ماركة AVENT و تلاقيه عند مذركير .
بصراحة أنا عني ولدي تبارك الرحمن أول 5 أيام من ولادته كانت لهايته صدري يعني مثل حالج ولمن شافتني الدكتورة طبعاً رفيجتي قالت لي لازم أعطيه لهاية لأن اليوم أنا مأجزة وبعد كم شهر راح أداوم علشان جي عودته على اللهاية من سادس يوم المهم صار خلاص يستعملها وللعلم أنا شارية له لهاية من وحدة من الأخوات بالمنتدى وسعرها 50 درهم ولا بعد متفننة ماخذة اللهاية اللي لمن تسقط على الأرض تتسكر بروحها وتسهل عليج انها ماتحتاج غسيل وشريت حبيتن يعني بـ100 درهم والحبيب بس استعملها لمدة شهر ونص وبعد كذا صار يرفضها ويصر على انه يمص صدري حتى لو كان مايبغي يرضع ولا من كم يوم أشوفه يرضع من الزجاجة وبعد كذا يصيح ويتلصق في صدري وانا أقول يحليله يمكن ماكفاه الحليب اللي بالرضاعة وأعطيه صدري ومايكمل 10 ثواني إلا الحبيب في سابع نومه فديت روحه يالله تهون علشانه ..
الصفحة الأخيرة
اهم شي لمن تعطيها اللهايه تكون اول ماتخلص رضاعه يعني تحسينها شبعت بعديها شوي شوي عن صدرك وعطيها اياها لكن اذا جيتي تاخذين لها لهايه انتبهي ماتكون كبيره يمكن الي عندك كبيره!!
لان هي لها مقاسات انتي خذي الحين لها من 0-6
وافضل ماركه هي (nuk)
تحسي الحلمه حقتها لينه
تحصليها باية صيدليه بعد عند محلات بيبي شوب.