بنتي متعبتني وكرهت ابوها بالخرجات

السلام عليكم
بنتي عمرها 5 سنوات ونص
متعبتني لابعد حتى زوجي يرجع البيت معصب من حركاتها ودلعها
امس نزلنا السوق وفيه لعب واخذنالها لعب ومناكير وبكلات
وعند البوابه شافت لعبه وتبكي وتصرخ ابغاها ابغاها
ومرة ب الملاهي لعبت فيها لمن جينا نطلع تبكي ما لعبت كثير بس شوي ابغا العب ما ابغى اطلع الحين
واحيانا تنزل بقاله مع ابوها تشتري عصير واشياء وتطلع تبكي ابغى شيء ثاني ما ابغى بس هذا
نسايسها بكرا نجي مرة ثانيه معاك العاب احلى
وتصارخ علينا بكرا ما ابغى
ابغى اليوم
ابغى الحين
طفشتووني
واذا نزلنا البيت تسكت وتنشغل بالعابها


الشيء الثاني احسها تتحسر
مثلا شافت بنات خالاتها عليهم بكلات غربية او معاهم شنط او لابسين بلوزة زهرية
تصييح وتصارخ ابغى زيها
ولا تشوف فيديو اجانب يفتحون هدايا اطفال طبعا فروزن وصوفيا طول اليوم مناحة تبغاها
المشكله ان العابها ما تحافظ عليها كلها تتكسر
ما ادري كيف اتعامل معاها والله
كل طلعاتنا بس مكشرة ومبوزة عشان الاغراض واللعب