بنتي متمرده علي من صغرها لحقوا علي

والله ياقلبي بعض الاطفال كذا

انا اخوي عمره 11 سنه وانواع قلة الادب مع امي تعبنا معه

مع العلم اننا كلنا بارين بامي يعني هو ماشاف احد يعاملها معامله سيئه

مادري ليه هو كذا

والله دايم افكر اقول الله يستر لا يطلع ولدي زيه

لان ولدي اخذ منه صفات كثيييره :(

بس لسا ولدي صغير

لكن مادام بنتك تعتذر الحمدلله فيها خير يعني تحس بالذنب

جربي تزعلين عليها وماتكلمينها

جربي تخلينها تصادق بنات كويسات

قربي منها اكثثثثر وسولفي معها وش سوت بالمدرسه وش ماسوت

وصدقيني فتره وتعدي باذن الله

أنا ما عندي بنات ..
بس أنا أشوف سوبر ناني تتصرف مع هالحالات بحززززم ..
يعني ما تكونين قاسية عليها وتضربيها ..
لكن لازم تحزمين معها .. وتعاقبينها ولا يلين قلبك ..
عشان تتأدب .. لكن مو بالضرب المبرح ..

وتحاولين تحرمينها من أشياء معينة ..
وتفهمينها إذا صارت تطاوعك وما تقل أدبها راح ترجع لها هاذي الأشياء ..
ويوم إلي يعدي وهي سمعت فيه الكلام ولا طولت لسانها عليكي تكافئينها بمكافأة لحسن أخلاقها ..
وبكذا راح تتقربين منها شوي شوي وبتسمع كلامك ..
وكوني دائما حنونة معها وحسسيها إنك تحبينها .. بس مو بطريقة تستغل طيبتك فيها ..

واحذري .. يمكن قلة أدبها جاية من المدرسة .. ترى المدارس فيها بنات لسانهم طويل ..
شوفي انتي.. والله ييسر أمرك ..

..دانة الدنيا..

في الامور الايجابيه شجعيها والسلبيه ادعيها واساليها ليش سويتي كذا واي خطا تسويه وانت منبهه عليها احرميها من اي شي هي تحبه وخلي ابوها يساعدك مره انت تعا قبينها ومره ابوها

الله يعينا وياك البنات يحتاجون من يسمع لهم ويتفهم احتياجتهم ولا تنسين يا قلبي الدعااااء واستشيري مختصين بالتربية لان عندهم تجارب ..وفقك الله

الله يهديها