اول شئ زوجك غلطان كيف يهاوشك قدام بنتك بعدين تزيد وتحس بنشوة الانتصار وتتلذذ بالشئ هذا الاطفال كذا .... الحين اذا ولدى اسم الله عليه جلس يتدلع على عاد انا ادلعه واقول لاعاد اشوف احد يطقه هو يسمع كذا ثمن قام وناظر لهم من نص عين وهات ياطق في اخوانه مع ان محد قاله شئ بس يتذكر الطقاق اللى قبل كم يوم ( الله يحفظه ويصلحه مهبل فينى )
وبعدين يمكن انتى مهتمة بكل شئ لها ونسيتى اهم شئ وهو الحنان مثل اذا نامت تروحين تغطينها وتقولين لها تصبحين على خير ياماما ولما تصحينها الصباح بوسيها وسلمى عليها اذا جات من الروضة او المدرسة خوذى اغراضها منها او الحقيها لغرفتها واساليها اذا استانست في المدرسة والله ومن تجربة مع ولدى ماشاء الله عليه جننى وعاد لعيب كاراتية اسم الله عليه المزاعق والطق ماينفع غير الاسلوب الحلو مع الاطفال ولاتحطين معاملة اطفالك على الشغالة اذا كان عندك اطفال واذا عندك معارف عندهم بنات امدحيهم قدامها قولى فلانة ماشاء الله سوت لامها كذا وامها تمدحها وحتى انا قلت لهم ان بنتى راح تسوي مثلهم وكذا الين الله يهديها عموما الله يصلح عيالي و عيالك وعيال المسلمين جميعا ومشكورة

البنات في بعض الأحيان يفضلون أبوهم على أمهم و أحيانا العكس. انا يوم كنت صغيره ما كنت أسمع كلام أمي ولا أحب أسوي اي شئ هي تبيه. حتى يوم نروح السوق كنت أقول بابا خلنا نروح من غير ماما. لانها كانت تصارخ و تضرب و تقول لا لأي شئ أنا ابيه و البابا كان العكس تماما. حاولي تقربي منها و أكسبيها أعرفي أيش تحب و ايش تكره انا 26 و للحين أمي ما تعرف شئ عن دواخلي زواجي في الصيف و توها باديه تفهمني و قالتها مره لانك أول طفل لي ما كنا أعرف الصح من الغلط في تعاملي معك

البنت من عمر 4 الى وقت ماقبل البلوغ متعلقة بالاب

لانه يطلعها ويهتم فيها ولايعصب ولايضرب عكس الام

تربي وتتعب

لكن اذا بلغت تميل لامها لانها تحس برابط الامومة تكون مسؤولة

عن اخوانها مثل الام

واشوف ان مشكلتك انتِ السبب الرئيسي فيها.... للأسف بنتك ذكية

وحست بحبك لأخوها وخصوصآ هو الكبير فشئ طبيعي تصرفاتها

أمتعاضآ من تصرفاتك معها ....وعندي اضافة بحكم تجربتي أنتِ

ماذكرتي علاقتها بأخوها؟؟؟؟

لكن أكاد أجزم أنها تكرهه .....أعدلي بتعاملك وترين النتيجة الايجابية

حتى لو كانت عكس توقعاتك... فكل طفل له شخصية وكينونة خاصة به

تختلف!! التؤام تختلف شخصياتهم,, فمابالك بأولادك تريدين أن تكون مثل أخوها

صعب ....أنتِ كأم أحتويها أعطيها الثقة أعطيها مسؤولية من هم أصغر منها

تراقب سلوكهم وتخبرك ... شجعيهــــــا ....أشبعيها حنان ...لاتتهاوني فعمر 6

سنوات يبدأ ظهور الشخصية وصقلها...للطفل

مشكوره كل واحده ردت علي وهي صح تكره اخوها ولومعها شيء ماتعطيه مع انه لوعنده اقوله نص لاختك يعطيها ودائما تعانده في التلفزيون واختيار القنوات حتى هو احسه يعاني منها طول النهار من يوم يدخلون من الباب هات ياشكاوي صراحه تعبت انا اشوف اخوها حتى وهو صغير ميسوي مثلها ودائما ادلعها اشتري لها ملابس اكثر من اخوها واخذها معي يوم اطلع بس العناد الله يصلح الامور

ماعندي بنت وياحبي لهم وما ابي اتفلسف لكن الله يعينك