بنتي مسببه أزمه تعالوا تعجبوا !!

"5"مساء الخير للجميع

ياأخواتي الله يجزاكم خير أبي حل للي أنا فيه لا نومي نوم ولا أكلي أكل ولا أعرف أسوي شي ببيتي و لا أطلع لأحد ولا أبي أستقبل أحد والسبب بنتي الله يصلحها عمرها شهرين بس مجننتني تصيح على طول ولا أدري شفيها وديتها لكذا طبيب أطفال وكلهم يقولون سليمه وشاروا علي بعض الناس أوديها للحريم اللي يعالجون الصغار و فعلاوديتها و قالت بنتك عندها (الجده) وهو شي يصيب الأطفال يسبب لهم انتفاخ وضيق و بكاء مستمر راجعتها يومين و طابت البنت
بس البكاء بييجنني :oيعني مستحيييييييييييييل تجلس تلعب في فراشها و تسكت زي الأطفال اللي بعمرها :06: قمت وديتها لحرمه ثانيه قالت بنيتك ما فيها إلا العافيه بس فيها روعه من الولاده .

بنات تخيلوا ما أسوي شي غير لما تنام وشوفوا عاد متى تنام ، قسما بالله ما تقدر تنام عشر دقايق على بعض بدون ما تقوم مرتاعه يا قلب أمها وأدنى صوت يصحيها صرنا مانتكلم غير بالإشاره ... نصيحه من قلب عودوا بزارينكم ينامون وسط الصجه والإزعاج وانتوا الربحانين قال ايش قال : وفري الجو الهادئ لنوم طفلك .. و فرناه وقعدنا بها :16: آسفه طولت عليكم بس ترى أحب الهذره و أبي منكم تعطوني حل ودعوه صادقه لها بالصلاح و إذا تعرفون أحد يعاني مثلي قولوا لي علشان أواسي نفسي وجزاكم الله خير