نصيحتي.. انج تشتريلها العاب اتناسب سنها.. و في كتب اتكون فيها صور و اصوات.. خليها ف سريرها و حطي لها الالعاب.. يمكن اتم اتصيح ف البدايه عقب بتتعب و بتتسلى بالالعاب.. كل فتره غيريلها اللعبه.. و بالنسبه لسالفة النطق ما في غير انج دوم اتكلمينها كأنها وحده كبيره.. صدقيني ف هالسن تفهم عليج.. عطيها كلمات واضحه و مبسطه.. يعني خليها ف سريرها و قولي "انا بروح الحمام و برجع" واشري لها على الحمام.. اشتري لها مجموعة كتب.. وقعدي معاها و راويها الصور وقولي لها الاسماء و عيدي اكثر من مره..مركز التعليم المبكر عندهم كتب روعه اتناسب سنها.. و صدقيني بتتفاجأين بالنتايج.. بس استمري على هالشي.. ترا اليهال ايموتوووووون ف الروتين..

سوري طولتها و هي قصيره.. الله ايوفقج انشالله و يحفظلج بنتج..

اختي عندها نفس الشكلة والسبب انها موظفة وكان خايف انه تروح عنه حتى النوم ماينام خايف تتركة
مافك منها وع6سنوات لما راح الروضة