صبح وليل @sbh_olyl

محررة ذهبية

بنتي وأختي،،،،،،شو استوالهم

ممممم مصيبتين في وقت واحد وتمنيت ذيج الساعة إنه ايكون جدامي الكمبيوتر علشان أطلع الحل من منتديات حواء (تصلح دعاية);) ,,, المهم، كنت الله يعزكم في الحمام أوضي بنتي، عاد هي ماشاءالله عليها، أنا أوضيها من هني، وهي عاد تلعب بالأغراض إللي على رف المغسال، تاخذ المعجون وأرده، تأخذ الفرشاه وأردها، آخرتها خذت القوطي كله اللي يحمل المعجون بالفرشاه والمصيبة كان في القوطي ((())))موس((())) وما حسيت إنه جرحها إلى ليما طلعت من الحمام وحسيت إن البنية اتصيح بشكل غير طبيعي وما أشوف إلا الدم، ترى بنتي توها طالعة من جدري، وأنا استغربت يوم شفت الدم، معقولة من الجدري وتوه خالص منها إلتفتت وما أشوف إلا سيل من الدم من الحمام وإلي مكانها (يما):08: تخرعت وأدور أتراه جرحت أصبعها، وطلعت جلدة كبيرة والله بغيت ريلي يوديني المستشفى وما رضى (أونه عاد كبرت الموضوع) :16: المهم ياب مطهر وشاش وعملها اللازم، إحنا هني مشغولين على بنتي، إلا أختي الصغيرة تاخذ المطهر من ورانا (فلم هندي):43: وما نسمع إلا صوت الزجاجة يوم طاحت على الأرض وأختي فمها أحمر والأرض كله المطهر (عاد ذيج الساعة التفتت الأنظار إلى أختي وخلوا بنتي إلحالها(طناااااااااااش):mad: ، خذت أختي ودخلتها الحمام وحطيت قلم داخل حلجها علشان اترجع، وخلصت منها وشربتها ماي وملح (وصفة أم أديب):cool: علشان يصفي معدتها ويزوعها عدل، وهذي كل الحكاية عندكم تعليق على الموضوع، أو مناقشة نستفيد منها،،،،،،،،،،،

مشكلة ما تخلينا ننام لا أنا ولا زوجي ولا بنتي

وأنا بعد عندي تجربة حلوة مرة من خالتي أم ريلي

يلزم عليك تسجيل الدخول أولًا لكتابة تعليق.

تسجيل دخول

زيـنـه • 20 سنة

الف الحمدلله على سلامة اختج و بنتج .. و هذا درس لج و لغيرج من بنات حواء عن مراقبة الاطفال في كل حزه و ابعاد الاشياء الخطره عنهم و عن متناول ايديهم .. و الحافظ الله ان شاء الله ... :26:

واحة الخير • 20 سنة

الحمدلله على سلامتهم

طيحتي قلبي ، انتبهي اختي مرة ثانية واحسبي لكل شيء ألف حساب تراه مب في كل مرة تسلم الجرة

اختك
ام محمد
:26:

nanaaQ • 20 سنة

الف حمد لله على سلامتهم

واسمحي لي الغلط يرجع منك اختي

المفروض الاشياء هذه تكوون بعيده جدا عن متناول الاطفال

وفعلا ماكل مره تسلم الجره

الله يحفظهم :26:

صبح وليل • 20 سنة

يالله:06:، كلكم حطيتوا اللوم علي، يالله ما بانكر هذا بالفعل لازم أكون منتبهة أكثر، لكن تعرفووووون شو يعني كل شي استوى بسرعة، أيوة، كلنا كنا فوق الشبرية، خواني يسكتون بنتي ويضحكون وياها، وأمي اتصرخ خايفة على حفيدتها، وزوجي يسعفها وأنا ميودتها، والمفعوصة الصغيرونة أختي اتسحبت مثل الفار:mouse: من ورانا، وما درينا إلا واشربت المحلول، علشان جذا أقولكم كل شي استوى بسرعة................

على العموم مشكوووورة على المشاركات، وإن شاءالله انبطل عيوننا أكثر............

الـــ عديل ـــــروح • 20 سنة

تصدقين عاد خفت على بنتك وجسمي حسيت فيه مدري شلون اوصفلك يا حياتي مسكينه
ويوم قلتلي هن اختك ضحتك على اسلوبك
الحمدلله عدة على خير انتبهووو عليهم