بنتي واالدوره الشهريه ابي حل ؟؟؟

عندي بنت عمرها 7 سنوات وماشاء الله عليها ذكيه وحبوبه
من صغرها لاحظت عليها حب لقصص الانبياء والادعيه والقران
وكانت توقف يمي وتركع وتسجد تسوي مثلي من صغرها
ويوم صار عمرها 6 سنوات قالت لي ابي اتعلم الصلاه وعلمتها وقالت لي طولي صوتك شوي حتى اسوي مثلك بالصلاه
وماشاء الله ربي فرحني فيها والان عمرها 7 سنوات وتصلي كل فرض حتى الفجر لاحظت انها توقت الساعه وتصحى تصلي وترجع تنام بعد الصلاه تقرا شوي قران وتعقيبات الصلاه وتجلس تدعي الله
لكن ........لكن....... لكن
هنا بدئت مشكلتي الي لاحظتها عليها فجاه من كم شهر بدئت
اذا جاتني الدوره تراقبني تقولي يمه صليتي اقول اي يمه صليت
يوم الايام لاحظت سجادتي موبالغرفه استغربت بس ماعطيت الموضوع اهتمام شوي سئلتها استحت وقالت بصراحه يمه ابي اكلمك انتي تقولين تصلين وانا شلت سجاده الصلاه ابي اصلي عليها بغرفتي من كم يوم((طبعا نصابه لان عندها سجادتها الخاصه)) وانتي ماسئلتي عنها خبيثه خخخخخخ
قلت لها كنت اصلي على سجاده ابوك بس حسيتها ماصدقتني
بعدين صرت احس حماسها للصلاه تغير حيل صارت تقوم بكسل وثقل
هذا الشهر شكيت انها تترك الصلاه وتقولي انا صليت يمه وتطالعني بنظرات غريبه احس كانها تقول حتى انتي تتركين الصلاه
اعرف راح تقولون لي صغيره بس ابيها تتعلم ةخايفه يبقى في بالها ان امي تترك الصلاه وماتصلي وصعبه اخبرها عن الدوره
ومصيبه يعني بتبقى كل ماجاتني الدوره تجيها معي خخخخخخخخخخ
عطوني حل تكفون الله يعطيكم عافيه لان احس محتاره وموعارفه شسوي مع بنتي الي فرحت فيها والحين خايفه عليها لان احسها صارت مصدومه حيل احس في عيونها نظرات غريبه طول اليوم