بنتي وابوها !!!!!!!!!! وأنا ...كيف أتصرف !!

تكفون الله يوفقكم ويجزاكم خير

عطوني حلوووووووووووووووووووووول لمشكلتي

بنتي !!

عمرها 3 سنوات وشهرين..

هي البكر وتحتها اختها عمرها 7 شهور

المشكله الكبيره >>>>>> دلوعه أبوها وأبوها فسدها بالدلع الزايد صايره تصرفاتها لاتطاق

غير محترمه عصبيه دلوعه اي شي تفجر بالبكاء عليه

تصارخ علي وعلى ابوها وتمد يدها عادي لا مشكله..

جربت الضرب ما فاد فيها بشيء !!


بصراحه انا ما أحب الطفل المدلل بزياده وفاقد الادب والاخلاق

أتمنى اشوفها مؤدبه محترمه تعرف تحترم اللي حواليها!!

ما تصارخ 24 ساعه ولا تصيح 24 ساعه

دايم نكديه وزعووووووووووووووووووووووووووووووووووووول


لو اعاقبها ابوها يدخل بالنص ويخرب علي يقول خلاص ما يحتاج عقاب يفشلني قدامها

وهي صارت شقيه وعارفه ان ابوها في جيبها !!


والمشكله من يومها صغيره اقول له لا تدلعها برخاوه خليك شديد لو اخطت يقول لا تتدخلين بنتي وكيفي

قلت يا ابو الشباب بكره لي كبرت وصارت مو مؤدبه بتقول انتي ماربيتيها!!!


كان يقول لي >>> لا بتصير مؤدبه...


أمس استهبلت وطبت على ابوها وضربته وتزاعق ولاتسمع كلامه

اخرتها قال وخريها عني

قلت لها قولي اسف لبابا والا باخذ العابك وبخبيها لي تصيرين مؤدبه

قامت انفجرت بالصياح عشان عارفه ابوها في صفها قال خلاص مب لازم تتأسف عطيها العابها!!


عقبها قال لي(( البنات تربيه امهم وانتي ما ربيتيها!!)) قلت وشو !! مو انا اول اصيح عليك يابن الناس

خلي لك شخصيه قدامها لي اخطت علمها الخطأ والصح علمها الاحترام

لاتخليها عديمه تربيه وخايسه من الدلع الماصخ!!

قال خلاص امزح تراني!!


يبي يغير الموضوع عشان ما ازعل انا ولا يصير مشكله بيني وبينه!!


حتى اهله يقولون الله يهديه مدلعها بقوة ...

بالله كيف اعيد تأهليها!! كيف أربيها من جديد ؟؟

كيف اتفاهم مع ابوها اللي هو سبب خرابها!!