السلام عليكم
أمهات ساعدوني مشكلتي مع بنتي عمرها سنه واربع شهور متعلقه في الأجهزة بشكل موب طبيعي
الجوال والأيباد جننتني بقووووووه ما تشوف جوالي إلا تصرخ وتأخذه وتحوس فيه وتحذف برامج
والأيباد لازم تأخذه وإذا ماعطيتها تسوي حفله وصراخ
المشكلة الحين إذا رحت عند الناس تحرجني وتأخذ جوالاتهم وإذ ماحد عطاها تجلس تبكي
وأنا اضطر اطلع جوالي عشان تسكت
شاسوي معاها مليت تعبتني بذي الحركة جبتلها جوالات لعبه وماتبغاها ولا تلعب فيها
وأهلي مدلعينها ومعودينها يعطونها كل شي
وإذا اجتمعت مع أطفال وعندهم ايباد تنكد عليهم وتبكي بطريقه مزعجه لين تأخذه
صرت ماعد أبغى أروح عند احد من كثر ما تحرجني
تكفون يا أمهات وش الحل معاها ؟؟؟؟؟
الله يهدي عيالنا ويعيننا على تربيتهم :confused:

DlOoAt MeEdO @dlooat_meedo
عضوة نشيطة
يلزم عليك تسجيل الدخول أولًا لكتابة تعليق.

ام حنين العصيمي
•
انتبهي من الاجهزه تراها خطيرررررره جدا على الصغار والله ولد عمتي وولد بنت عمي جاهم شحنات كهربائيه في الدماغ بسببها وطفلين ثنين من جماعتنا ويغمى عليهم ويتشنجون الدكاتره قالو انها السبب حنا جبناها لعيالي وبعدين حرمناهم منها البنت كبيره وتفهم والولد الله لايوريك نعطيه مره في الاسبوع اقل من نص ساعه والله ماناخذه الا بصياح يبكي لين يقول بس وخلاص تعود صار يبكي شوي ويسكت

صعب اسلى
•
والله مشكلة ذي الاجهزه حتى انا كان عندي نفس المشكله وولدي عمره سنه وسبعه شهور بس الحين الحمدلله صار ف النادر مايمسك جوالي انتي سوي مثلي صيري خذيه منها بهدوء وحاولي تسلينها بشي ثاني مثلا بسكوت او جيبي الالعاب والعبي معاها وسوي هيصه عشان تلفتي نظرها وتنسى الجوال وربي بالتدريج رح تنساه ان شاء الله وحطي لها قناة اطفال تسليها شوي عنه وربنا يعينك حتى لو تصيرين لها مهرج خخخخخخ مافي مشكله بس اهم شي تتركه لانه خطييييييييييير على اطفالنا وهما امانه عندنا وربي يسهل


الله يهديهم ياااارب
شوفي انا اتعامل مع بنتي بطريقتين في الايباد اشحنه ومااخليه يفلل عشرين في الميه واعطيها ويتقفل في وجهها وخلاص طول اليوم قدام وجهها ومااشحنه لها ابدا وصارت تقتنع
والطريقه الثانيه اذا تقفل الايباد خلص شحنه تطلب جوالي احط جوالي ع النور الخافت بالمره ماتشوف شي وصارت تنفع معي ذي الطرق والله يعننا يااارب
شوفي انا اتعامل مع بنتي بطريقتين في الايباد اشحنه ومااخليه يفلل عشرين في الميه واعطيها ويتقفل في وجهها وخلاص طول اليوم قدام وجهها ومااشحنه لها ابدا وصارت تقتنع
والطريقه الثانيه اذا تقفل الايباد خلص شحنه تطلب جوالي احط جوالي ع النور الخافت بالمره ماتشوف شي وصارت تنفع معي ذي الطرق والله يعننا يااارب

الصفحة الأخيرة