بنتي والاستفراغ مع الخشم!!؟؟

حبيبتي بالنسبة للاستفراغ .. أنا كانت بنتي نفس وضع بنتك .. طبعا معاناة وديتها عند استشاري قالي عندها ارتجاع بسيط وانفها عارفة عشانها صغيرة ما بتتنفس تمام لسه .. أول شيء عمله غير الحليب إلى نوفلاك الخاص بالترجيع .. وطبعا علمني كيف اتعامل معاها : اول شيء اعطاني قطرة الملحية العادية قبل الرضعة بربع ساعة عشان تفتح لها مجرى التنفس ، وأثناء ما بتعطيها الرضعة كل شوي وقفيها وحطيها على صدرك عشان يطلع الهواء .. كمان شغلة مهمة انا كنت اسويها الله يسامحني يعني لو اشوفها او احس انها شبعانة اجبرها تكمل الرضعة وفي الغالب هذي تعملها ربكة .. لا تخافي نهائيا انا ولد اختي نفس الوضع كمان ( غالبا الاطفال الي يجو وزنهم قليل ) علمتها والحمد الله .. لكن انا اقولك من واقع تجربة مع بنتي الامر خف لكنه موجود الين كملت سنتين تقريبا وصديقني يمكن شفت عشرات الدكاترة الكل اكدلي انها ما فيها شيء نهائي .. والحمد الله الان بنتي عمرها 3 سنوات وبسم الله عليها اختفت هذي الظاهرة عندها :) .. عموما انا أرى انك تعرضيها على طبيب جائز الحليب ما ناسبها .. فممكن يغيره !!

اما بخصوص مكان تورم التطعيم فنفس الشيء صار لبنتي وغطيته لها .. لكن بعدها صرت اشوف البنت تصيح بزيادة فوديتها عند طبيب شاف الجرح .. اول شيء عصب علينا ليش نغطيه .. وقعد بعدها يعصر فيها الين خرج الي بداخلها لانها عبت .. واعطانا مرهم ما اذكر اسمه بس الحمد الله خف .. لكن اثرها باقي .. واتوقع اول تطعيمة دائما يصير فيها كذا غالبية الاطفال يعني ..

حمالك الله بنياتك وبارك فيهم ولا رأيت فيهن بأس ،،

ام الحبيبه
جزاك الله خير ريحتيني الله يريحك
بس ماضيق خلقي الى ان سالفة الترجيع ممكن تستمر معها الى عمر سنتين مثل بنتك
ومن ناحية أني اجبرًبنتي على شرب الحليب كنت في الاول اسويها وبعد ماستفرغت تبت وصرت بس اشوفها توقف رضاعه اشيل الرضاعة وماحاول اغصبها وفعلا خف كثير الترجيع بس مازالت مستحيل يمر ٣ايام ماترجع بهاالطريقه المفزعة

حبيبي بالنسبة للاستفراغ اكثر الاطفال كذا انا ابني كان هيك ولما اخذته للطبيب غيرلي نوع الحليب وقالي مو كل مرة يبكي الطفل لازم ترضعيه يمكن يكون الاستفراغ زيادة حليب بمعدة الطفل
اما بالنسبة للقاح فحبيبتي انتبهي عالبنوتة منيح وازا حسيتي في شوية حرارة يمكن يكون من مكان اللقاح ملتهب ونصيحة مني لما بدك تحممي بنوتك حاولي ماتجيبي ماء عاللقاح لانو بيلتهب بسرعة