بنتي والافرازات

السلام عليكم حبيباتي
الأمهات اللي عندهم بنات اتمنى يفيدوني
بنتي الله يحفظها قربت تصير ٤ سنين من تركت الحفاظ لاحظت عندها افرازات خفيفة صفراء او احيانا خضراء وديتها الطبيب قالت عادي عدوى او قلة نظافة وعطتني مضاد طابت فتره كم شهر ورد رجع لها نفس الحالة من شهرين تقريبا خذيتها على دكتورة أمراض نسا فحصتها فحص خارجي تقول فيه احمرار بسيط وعطتني مرهم وغسول ، استخدمته اسبوع خفت الافرازات ٥ ايام وردت مره ثانية سويت لها مزرعة بول وتحليل سكر كلهم سليمين الحمدلله غيرت السراويل شريت كله قطن اهتميت أكثر بنظافتها وتنشيفها وقمت أعطيها تشرب ماي أكثر ولا فيه فايده مازال فيه افرازات واحمرار خفيف وريحة شنو أسوي جد تعبت فيدوني حبايبي