بنتي والاكل راح اتجنن منها

اللهم صلى على محمد

نفس حالة ولدي مايحب الاكل يجلس يحوس ويقوم

مو معقوله ماتحب ولا شئ

جربي معاها الفواكه قطعي لها مثلا تفاح احمر مقشر وفراوله وبرتقال وخليه بصحن مع ملعقه وقوليلها يالله اكلي وشجعيها ع كل حبه تاكلها وسوي لها جو وتصفيق هالشئ بيساعدها تاكل

يمكن نوعية الاكل الي هي تحبه مايتوفر..فيه بعضهم مايحب الرز والايدام تحب الفواكه او تحب الخضار او تحب مثلا الشوربات والكورن فليكس او لعصيرات

جربي معاها بكل الطرق.. وخليها تعتمد ع نفسها وسوي لها طياره بالملعقه يعني المسأله يبيلها مجرد جو بدون نرفزه وعصبيه ان شالله تتعدل وتآكل

بالنسبه للشهيه فيه فاتح شهيه بس استشيري طبيب قبل يسوي لها تحليل مو زين لها الي تسويه بنفسها ربي يصلحها ويخليها لج العمر كله ياااااارب

هذا كله من الرضاعه الطبيعيه الله يعينك تعب في تعب

اذا مايكفيها صدرك مالك الا تفطميها منه عشان تاكل غصب

بنتى نفس الشئ والله بفكر افطمها

الرضاعه البيعيه مالها دخل

بنتي صناعي ونفس حالة بنتك :( الله يهديها لها اسبوع ما اكلت شي و جاها امساك

بس تراهم يحبو الفواكه الموز البطيخ الشمام

انا ترفض الاكل ومرات ادهل قطعه صغييره عشان تذوقه لانها ترفض بدون سبب
مرات تكمل ومرات تتفلها وماترضى تاكل :(

بس لا تعطيها بسكوتات واشياط تلهيها وخففي لها رضاعه

بنتي خليت لها ٣ رضاعات في اليوم بس عشان تاكل وقاعده احاول معاها :( بس ربي يهديهم ان شالله