بنتي والبلاك بيري وش اسوووووووووي

بنات ساعدوني مالي الا الله ثم انتم بنتي جننتني خامس ابتدائي تبي لاب توب لها سنه تقول مثل بنات عمتها وصاحباتها وانا ضد الفكره تماماً وهي تقدرفي أبوها وتحاول تقنعه واليوم جات من المدرسه تقول انها ناجحه والنتيجة الاسبوع الجائي ولازم أبوها يوفي بوعده ويشتري لها لاب توب أنا حلفت انها ماتشتريه وقلت كل شي له وقته وانتي توك صغيره جلست تبكي وتقول انتم معقدين شوفوا عمتي وشوفوا صاحباتي انتم عقدتوني أنا قلت مالنا دخل بالناس يوم شافت مافي امل قالت خلاص ابي بلاك بيري وتعبتني وانا أناقشها وأقولها لا الين تعبت منها وهي تبكي ابي أقنعها باي شئ مافي فايده قلت لها ابي أستخير وأشوف أوافق ولا لا وانا مابي اضغط عليهااخاف تصير عندها عقد وكثر التشدد ممكن يجيب نتائج عكسيه مادري كيف أتصرف ابي حل وسط يرضيها ومايحسسها انها مظلومه لان البنت لوما كان التعامل الصح الله يستر ابي من الحكيمات يعطوني رائيهم اشتري البلاك والا لا والله تعبتني واخوها متوسط يبكي يقول والله ماتشتريه عشان كله مصخره وقلت حياء وهي تقول له مالك دخل احس نفسي تايه معهم مدري ارضي من فيهم البنت مابي أعقدها وتطلع نتائج عكسيه والولد مابي أعوده يسيطر على اخته ولا ابي اكسر شوكته دلوني تكفون والله احترت