كل اطفالي يكرهون المويه

واتبهذل معهم

مالك الا مسبح صغير فيه اشكال دباديب وجيبي العاب ( خاصه للمسبح مو الالعاب الاعتياديه ) روحي تويز ار اص او سنتر بوينت وخذي عصافير وقوارب وحق النفخ حق الصابون

وجيبي لك كرسي صغير وحطيها فيه وحطي صابون جسم و فقعات مسبح خاصه بالاطفال وخليها تنقع وتلعب وانت معها لا تتركينها او تغفلين عنها لو ثانيه ترى يقولون الطفل يغرق في كوب مويه بسم الله عليهم

خمس ست دقايق ثم ابدي غسلي رجولها ثم بطنها ثم الاكتاف والرقبه
ثم جيبي كوب صغير خصصيه لشامبو حقها

وحطي شوي شامبو ومويه وحطي على شعرها من الخلف ثم شوي شوي بيدك وصليه للشعر الامامي وافركيه اذا وصل الشعر كله

ثم عاد يكون عندي بلاستك المويه فيه حرارتها مناسبه ومجهزه الروب حقها

وبشويش غسلي شعرها على ورى

وحاولي مايجي وجهها والجبهه

ثم غسلي باقي جسمها بالمويه ولبسيها الروب وغسلي وجهها في المغسله

اهم شي سمي بالله قبل لا تدخلينها الحمام و موزين الصراخ بالحمام اذا عندك مكان ثاني بالبيت مثل المطبخ ولا غرفه غسليلها فيه او خليها تشوف مسبح حق اطفال وهم ينقزون فيه ويضحكون وسمي عليها .. الله يهديها لك يارب ويعينا

مشكورييين

انا بنتي كانت تخاف من المويه تنزل على راسها
لانها متعوده تتحمم بمغسلة الايدين ولما كبرت وصارت تمشي وتوقف صار لازم من الدوش يغطيها
بالبدايه رفضت ومن تدخل الحمام تهرب وتبكي تخاف من الماي وهو نازل من فوق
بالاخير خذيتها بحضني وحممتها معاي ومره على مره تعودت
والحين تدخل تحت الدوش لحالها بدون خوف وصارت تبكي لاجيت اطلعها ههههههه
جربي هالطريقه ماراح تخسرين شيء واريح من الطشت والمسابح الصغيره

يعطيك العافيه