بنتي والتنمر

‏الله يعينها البنت، بما أنها يتم التنمر عليها وشخصيتها ضعيفة فلنحط المدرسة جانباً ونركز على شخصيتها حاولي تبنية شخصيتها وعلميها ألا تعتدي على الناس ولا تظلم، ليش؟ عشان توديها مدرسة تكواندو أو كاراتيه عشان التعلم في الصغر كالنقش على الحجر وهذا سيبني ثقتها بنفسها وركزي على ‏الرماية والسباحة وركوب الخيل.
هذه ‏الطريقة استخدمها حاليا انه اركز على نفسي ومهاراتي فعندما أنا أصير محط اهتمامي وكل اللي شغال بالي كيف أنمي هذي كيف أصير خبيرة بذاك تدريجيا قل اهتمامي وانشغال بالي في الآخرين.. ‏أصلا السبب الأول والرئيسي لإهتمام في رأي الآخرين هو الفراق فلو أشغلتيها كثير كثير كثير في مهاراتها وغيرتي مدرستها لأنو خلاص الطاقة في هذه المدرسة صارت سلبية وأخبرتيها أنها ستتغير لو حاولت.. النتيجة حتكون مبهرة.
وابعدي عنها الموبايل لعلها تقارن نفسها بالأخرين وأنتي لا تقارنيها بأحد. ولو كان عمرها -١٤ كان هذا أكثر وقت أثر فيني تفكير أمي فلا تصيرين سامة وأخبريها أنها مميزة وأن الله يحبها.

روحي مدرسه بنتك وكلمي المديره

عززي ثقتها في نفسها

انا شكلي ابي اروح بكرا

حاولي تكلمينها إن الحبوب شي طبيعي فترة ع البشره وتختفي والتنمر حاولي تعالجين الموقف قبل بنات فصلها يتمادون ولازم تثق بنفسها وتطور أفكارها
مو إذا قالو فيك حبوب يعني خربت الدنيا !!
إذا هم متوسط مقدور عليهم قولي لهم كلمتين ويخافون أو كلمي المشرفه الطلابيه تجيب البنات عندها وتكلمهم فلانه سوت لكم شي ؟ مين اللي غلطانه ؟ اكيد فيه سبب
اسأليها انتِ قايله لهم شي وكيف كانو زميلاتك معاك زمان زي كذا، الأهم بعدها تكون سطحيه معهم وتبتعد عن قلت قالو
أما إنه يقولون هالشي وقاحه طبعًا بس يمكن فيه سبب منا منا
وعاد هالمرحله فيهم هياط زايد كل وحده تسوي فيها إنها هي اللي تتمشكل وما فيه زيها بالكون لكن لما تجي وحده أكبر منهم وتحط حد وقتها يصير لسانهم مو موجود .