بنتي والخدامه..

السلام عليكم يا بنات حواء

انا امس رحت الدوام زي كل يوم وتركت بنتي عند الخدامه لان ما عندي احد احطها عنده بنتي عمرها سنتي و4 شهور وما تتكلم زين يعني مناخرة بالكلام..

المهم لمن جيت من الدوام سمعتها تبكي دخلت البيت مستعجله لقيتها تغسل لها وجهها وبنتي تصييييييح جيت اخذت بنتي وشلتها يوم شلتها انتبهت ان خدها أحمرررر وحااااااار سالتها وش هذا قالت يا مدام هي نايمه على خدها يمكن او قرصه نامس انا مايدري يا مدام قلت طيب ليش تصيح قالت لاني روشتها يوم خاصت قامت تلعب بجبنه الكيري الي اعطيتها اياها وصخت نقسها وهاوشتها...

أنا مره عصبيه بس امس تمالكت نفسي لاني احط بنتي وولدي الي توه مولود عندها
رحت لغرفتي غيرت ملابسي جلست نص ساعة تقريبا جتني بنتي ويوم شفتها لقيت خدها خف الحمار الي فيه وبرد يعني معناته ضربه مو زي ما قالت..

رحت لها وقلت شوفي البنت خدها خف يعني مو مثل ما تقولين يعني انتي ضاربتها صح ولا لا قالت لاا يا مدااام والله العظيم انا ما ضربتها انا ما يدري ليش هاذا احمر قلت لها لا تصيرين كذاب قولي الصدق قالت لاا وقامت تصيييييح وتسوي نفسها مظلومه

انا اعرف ان بنتي شقيه مره وهي اول ما تقوم تاخذها الخدامه وتجلسها على كرسي الاكل حق الاطفال وتجلس عند التلفزيون لمن اجي يعني مسيطره على وضعها اين ارجع البيت وبنتي تحب تفطر عند التلفزيون بس ما ادري احس الي في بنتي كف على وجهها او كدمة ما ادري وش اسوي:(