ما لك الا انك تختلطين بالناس اكثر عشان يعرفونك زين
بنتك تختلط مع الناس بوظيفتها ماشاءالله و اكيد مبين معدنها عندهم..
بس باقي انتي تبينين معدنك عند الناس..عشان يعرفونك زين و يدرون ان تربيتك لبنتك كويسه..
ترا الناس تسأل عن البنت و عن الام كمان..

ربي يرزقها بالزوج الصالح و جميع المسلمات

وعليكم السلام ورحمة الله وبركاته ،،،

يااا حبيبتي لااا تقلقين ولاااا شي ،،، كل شي مكتوب ومقدر ،،، والأرزاق بيد الله ،، ونصيب بنتك محد بياخذه غيرها ،،،،

الله يرزقها بالزوج الصالح اللي يسعدها وانا بعد ههه وجميع بنات المسلمين يااااااااارب

الله يرزقها بالزوج الصالح

بقولك سالفه انا مرة ذكرت صديقتي لووحده تدور لاخوها.. اول سؤال سألتني قالت كيف وضعهم المادي .. قلت انا ممتااااااااز وبنتههم ما عليها قصور وابوها معه المركز الفلاني وامها موظفه ومعها شهاده جامعيه <<< وربي من قلت هالحكي قالت لا مانبي وحده وضعها المادي ممتاز نبي وحده علي قد حالها .. قلت ترا البنت طيووبه وربي تعاملها عسل .. قلت لا دام وضعها هي واهلها كذا ما نبي <<< يعني شوفي تفكير بعض الناس


عزيزتي لا تشيلي هم ونصيبها رح يجيها ..

الله يرزقها بولد الحلااااال اللي يسعدها

كلامكم صحيح خواتي غادة الرياض ويفتح الله بس احنا ساكنين بمدينة غير مدينة اهلنا واولادي الاثنين يدرسون في مدرسة اجنبيه واجازاتهم تختلف عن اجازة المدارس الحكوميه وهذا يمنعني من حضور الزواجات وغيره يعني امس ولد خالي اتصل علينا يعزمنا على زواج ولده الاسبوع الجاي واولادي عندهم امتحانات نهاية الترم فما راح نقدر نحضر زاائد شغل زوجي وبنتي فمستحيل اروح واخليهم وانا نفسي خواتي متضايقه من وضعي بس شسوي ظروفنا كده وطبعا المدينه الا انا فيها مانعرف فيها احد بالمرة يعني انا اشوف اهلي كل شهر او شهرين مرة وطلبت من زوجي انه يشوف لنا بيت عند اهلي بس مستحيل يوافق لانه راح يكون لحاله وزوجي يبنات شغله حساس ومختلط ومهما كان الرجل ملتزم ويخاف الله الشيطان شاطر وحتى لو كان فيه ثقه وهو اساسا يقول انسي انكم تعيشوا لحالكم وانا لحالي وشكرا خواتي على ردودكم انا عارفه ان الله سبحانه اذا اراد شيئا قال له كن فيكون ورزق بنتي عليه سبحانه بس انا خايفه من نظرة الناس لنا كان احنا جايين من المريخ مع انا والله عايشين اقل من مستوانا وعمرنا منظرنا الى غيرنا نظرة تعالي وشوفة حال على العموم الله يعمل اللا فيه الخير ان شاء الله

يسعدني أختي الغالية أني أرد على موضوعج... وأحب أقولج بارك الله فيج وفي زوجك على هذه التربية الطيبة ...

وأنا بصراحة لو كنت متزوجة وعندي ولد أو حتى لو أخ لأسرعت وخطفت بنتج منج.... بعد إذنج طبعاً...

بس سؤال الغالية... بما إنج تقولين ما عندكم معارف كثيرين.... ليش إنتِ ما تكثرين من طلعاتج مع بناتج للجيران ومع صديقات أختج.. عشان يتعرفون عليكم ويعرفون صفاتكم وطباعكم عن قرب....


الله يفرح في بناتج يارب ويرزقهم الذرية الصالحة،،،،