السلام عليكم ورحمة الله وبركاته
ابيكم تريحوني بنات انا في هم الله اعلم به بنتي عمرها ثمانيه شهور واكتشفوا عندها خلع بالورك واعطوني جهاز البسها لمدة ثلاثه شهور واذا مافاد تخدير وبنطلون جبسي وانا سمعت بالعمر هذا ماينفع جهاز لازم جبس ودي اختصر الوقت واطلب جبس ابي اللي مرت في نفس وضع بنتي ونفس عمرها نفع معها الجهاز تدخل تطمني الله يطمنها دنيا واخرها ولا يوريها مكروه فيماتحب
طيب فيه سؤال بنات البنطلون الجبسي تقدر تجلس او لا طيب وشلون تأكل اذا ماتجلس طنمنوني الله يطمن بالكم
ام جنو111 @am_gno111
عضوة فعالة
يلزم عليك تسجيل الدخول أولًا لكتابة تعليق.
اميره بيتي
•
لله يشفيها
وعليكم السلام ورحمة الله وبركاته هلا اختي
انا بنتي فيها خلع بالوركين اكتشفوه اول يوم ولدت فيه وشوفي الهم عاد نفاس وهم خلع البنت المهم بحكم اني مجربه قبل كان الخلع باخوي ف مهو شي جديد علي وهالشي خفف من مصيبتي شوي ، وهلكوني مراجعات ومواعيد قالو حطي حفاظتين واستمريت وﻻعطوني جهاز وﻻشي هذا مستشفى الملك فهد بالرياض رحت انا من لقافتي عجزت اصبر لموعدها ورحت لمستشفى ثاني بالقصيم واعطوني جهاز استخدمته الين موعد بنتي وقتها كان عمرها خمس شهور يوم رحت للدكتور قال غريبه الاشعه قبل احسن بكثير وحالتها زادت سوء وش استخدمتي ووريته الجهاز وعصب علي قال انتي ضريتيها ومن هالكلام وحدد موعد عمليتها بعد سنه وقتها صار عمر بنتي سنه وخمس شهور والموعد كان بشهر 3 اللي فات سوو العمليه بالرجل اليمين وركبو سيخ والجبس قعد شهر ونص بعدها فكوه وفكو السيخ وسوو عمليه لليسار بس بدون اسياخ الحمدلله ماحتاجت وقعد الجبس نفس الشي شهر ونص وقتها البنت ماتقدر تقعد وﻻ شي وﻻنها تعرف تحبي من قبل ف بدت تحبي تسحب رجولها ويدينها موقفتها وان بغت تاكل نفس الشي وهي ع بطنها ورافعه جسمها بيدينها زي وضعها العادي او جلاسه انا جبت لها جلاسه بكفرات بحيث يسهل علي نقلها من غرفه لغرفه لان شيلها ثقييل مره والحفاظ ﻻزم عنايه واهتمام بحيث تزيدين القطن بين جسمها والجبس عشان ماتدخل النجاسه ويتعفن ، شكلي كثرت كلامي بس لان حاسه فيك وكنت ابي احد يطمني وللاسف مالقيت لذلك انا تحت خدمتك اي استفسار جاهزه ... وان شاء الله يااااااارب ماتحتاج بنتك الجبس يارب تتحسن من الجهاز ..،،
انا بنتي فيها خلع بالوركين اكتشفوه اول يوم ولدت فيه وشوفي الهم عاد نفاس وهم خلع البنت المهم بحكم اني مجربه قبل كان الخلع باخوي ف مهو شي جديد علي وهالشي خفف من مصيبتي شوي ، وهلكوني مراجعات ومواعيد قالو حطي حفاظتين واستمريت وﻻعطوني جهاز وﻻشي هذا مستشفى الملك فهد بالرياض رحت انا من لقافتي عجزت اصبر لموعدها ورحت لمستشفى ثاني بالقصيم واعطوني جهاز استخدمته الين موعد بنتي وقتها كان عمرها خمس شهور يوم رحت للدكتور قال غريبه الاشعه قبل احسن بكثير وحالتها زادت سوء وش استخدمتي ووريته الجهاز وعصب علي قال انتي ضريتيها ومن هالكلام وحدد موعد عمليتها بعد سنه وقتها صار عمر بنتي سنه وخمس شهور والموعد كان بشهر 3 اللي فات سوو العمليه بالرجل اليمين وركبو سيخ والجبس قعد شهر ونص بعدها فكوه وفكو السيخ وسوو عمليه لليسار بس بدون اسياخ الحمدلله ماحتاجت وقعد الجبس نفس الشي شهر ونص وقتها البنت ماتقدر تقعد وﻻ شي وﻻنها تعرف تحبي من قبل ف بدت تحبي تسحب رجولها ويدينها موقفتها وان بغت تاكل نفس الشي وهي ع بطنها ورافعه جسمها بيدينها زي وضعها العادي او جلاسه انا جبت لها جلاسه بكفرات بحيث يسهل علي نقلها من غرفه لغرفه لان شيلها ثقييل مره والحفاظ ﻻزم عنايه واهتمام بحيث تزيدين القطن بين جسمها والجبس عشان ماتدخل النجاسه ويتعفن ، شكلي كثرت كلامي بس لان حاسه فيك وكنت ابي احد يطمني وللاسف مالقيت لذلك انا تحت خدمتك اي استفسار جاهزه ... وان شاء الله يااااااارب ماتحتاج بنتك الجبس يارب تتحسن من الجهاز ..،،
بنتي اكتشفت ان فيها خلع وكان عمرها خمس شهور اخذنا موعد بمستشفى الشميسي بالرياض وعلى طول سوا لها الدكتور جبس من غير اسياخ يارب لك الحمد شهر ونصف جبس كامل من البطن الى نهاية الرجلين وشهر نصف جبس من الفخذ الى نهايه الرجلين
بعدها صرف لنا جهاز يمكن لمدة شهر ماني فاكره بالظبط ويارب لك الحمد الحين عمرها ١٠ سنوات وتركض وتناقز مافيها الا العافيه الله يتمم عليها
الجلوس كنت اجلسها بالجلاسه
بنتي الثانيه بعد طلع فيها خلع وعمرها شهرين اشتريت لهاجهاز لان الدكتور يقول صغيره على الجبس والجهاز نخليه عليها لمدة ٤ شهور بعدها باذن الله ماتحتاج جبس
نصيحه لوجه الله روحي لدكتور ثاني اذا انتي في الرياض ادلك على دكتور مره ممتاز هو الي اكتشف الخلع الي في بناتي الاولى قال لازم جبس لانها كبيره عمرها كان خمسه شهور والصغيره كتبلنا على جهاز لانه ماتتحمل الجبس وعمرها شهرين
والخلع تختلف شدته من طفل لطفل
ودايم الي اعمرهم سنه وفوق يحطون سيخ برجولهم فانتي استغلي عمر بنتك الحين وحطي لها جبس علشان مايحطون فيها سيخ
الله يشفي بناتنا وبنات المسلمين
بعدها صرف لنا جهاز يمكن لمدة شهر ماني فاكره بالظبط ويارب لك الحمد الحين عمرها ١٠ سنوات وتركض وتناقز مافيها الا العافيه الله يتمم عليها
الجلوس كنت اجلسها بالجلاسه
بنتي الثانيه بعد طلع فيها خلع وعمرها شهرين اشتريت لهاجهاز لان الدكتور يقول صغيره على الجبس والجهاز نخليه عليها لمدة ٤ شهور بعدها باذن الله ماتحتاج جبس
نصيحه لوجه الله روحي لدكتور ثاني اذا انتي في الرياض ادلك على دكتور مره ممتاز هو الي اكتشف الخلع الي في بناتي الاولى قال لازم جبس لانها كبيره عمرها كان خمسه شهور والصغيره كتبلنا على جهاز لانه ماتتحمل الجبس وعمرها شهرين
والخلع تختلف شدته من طفل لطفل
ودايم الي اعمرهم سنه وفوق يحطون سيخ برجولهم فانتي استغلي عمر بنتك الحين وحطي لها جبس علشان مايحطون فيها سيخ
الله يشفي بناتنا وبنات المسلمين
الصفحة الأخيرة