السلام عليكم
اكتب لكم مشكلتي اخواتي بعد معاناه مع بنتي بنتي هذي عمرها الحين بتكمل خمس سنوات بس خوافه بشكل ماتتخيلونه
بداية خوفها كانت طالعه فوق لحماتي سكر اخوها الباب وطوالي بكت وصاحت وبسرعه فتحت لها الباب
في رمضان المغرب تلعب بالحوش مع البزارين دخل ولد حماتي الله يصلحه سكر الباب صاحت صياح والله انا وابوها منفجعين نركض لها ونسمي عليها
بعدين رحت لاهلي صارت تجلس على الباب تحرصه ماتنزل للحوش خايفه يتسكر علينا كلنا المهم اقنعناها بالغصب جت عندنا جبت مفتاح قلت هذا مفتاخ الباب بس تعالي عندي
واليوم الثاني رحت للعمره خليتها عند اختي واختي هذي اكثر وحده يحبونها عيالي دائما عندها لكن تقول اختي فقدتك وكل شوي احاول اشغلها وفي الاخر تقول صارت بنتي واقفه وتصيح وتقول ابي مامه بصوت عالي وتبكي لحد مانامت بس عرفت اني رحت لمكه خلاص كرهت مكه وكل ماغبت عنها لو ثواني تبكي وتدورني في البيت واذا شافتني قالت مامه لاتروحين مكه
صرت كل مابي اسوي شي لازم اقول لها على شان ماتفقدني
انا كنت بسجلها في الروضه لكن الحين كيف اسجلها وهي صايره خوافه افكر ادور لي وظيفه بنفس الروضه واداوم معاها ابيها تختلط مع البنات هي كانت اجتماعيه وتحب البنات بس الحين ماتجتمع معهم ماغير معي
امس طلعناهم لحديقة الحي ماتلعب مثل قبل لا تروح تلعب لعبه وحده وترجع لي وتاخذ وقت وتروح مره ثانيه
احترت معها اخوها سم الله عليه اصغر منها لكن يروح يلعب لوحده
لكن هي مادري شسوي لها
قولوا لي بنات الله يعافيكم حل معاها من قد مر على عيالها مثلها وتجاوزت الشي هذا الله يخلي لكم عيالكم

دالياء @dalyaaa_1
عضوة جديدة
يلزم عليك تسجيل الدخول أولًا لكتابة تعليق.


كل الاطفال في هذا العمر يخافون انا ولدي لما كان في نفس عمر بنتك كان كذا لما نكون في البيت يخاف ويتلفت حولينو ولما اكون غايبين عن البيت او لما اروح عند اهلي واطول عندهم وارجع للبيت يجلس طوال الوقت خايف ويتمسك فيني مايفكنى ابدا حتى وقت النوم وبعد كذا كبر والحمدلله خلاص ماصار يخاف ولا شي


الصفحة الأخيرة
قد يتساءل احدنا ،، ما الذي يحدث بالضبط في فترة اقبال الظلام وادبارالنهار والنور؟
ان الذي يحصل هنا ان الشياطين مع اقبال الظلام تبدأ تنتشر تبحث عن مأوى لها لأنها تنتشر انتشارا هائلا باعداد لايحصيها الا الله وهنا يخاف بعضهم من فتك بعض وبالتالي لابد لها من شيء تأوي اليه وتأمن فيه فتنطلق بسرعة هائلة جدا تفوق سرعة بني آدم اضعافا مضاعفة ،فمنهم من يأوي الى اناء فارغ ومنهم من يأوي الى بيت انسي ومنهم من يأوي الى جماعة من الانس جالسين وهم بالطبع لا يشعرون به فينطرح بينهم ليأمن من فتك اخوانه الشياطين.
وطبيعة الشياطين انها ترغب المكوث في النجاسات فتجدها تفضل اماكن قضاء الحاجة وتجدها تأوي الى اماكن القمامة وقد تصادف وهي تبحث عن المأوى (((طفلا)))انسيا فتأوي اليه وقد تتلبسه وتخرج وقد تمكث به بعض الوقت فتجد الطفل متغير المزاج وقد يطيل البكاء الشديد دون ان يعلم والداه سبب ذلك وقد يعنفانه ..
وهنا يأتي دور (((الحفاظات))) فكما اسلفنا ان الشياطين ترغب النجاسات فتجد في حفاظة الطفل نجاسة فيكون ذلك مشجعا لها على المكوث والإيواء ،فنجد بعض الاطفال يصرخ فجأة وبعضهم يتململ في نومه بسبب ايذاء الشيطان الذي اتخذمنه مأوى له.
من هنا يأتي دور الوالدين بالتمسك بالتحصين الدوري للأطفال حفظنا الله واياكم..
منقول
/
وعليكم السلام ورحمة الله وبركاته
(( من وجهـة نـظري ))
حصني بنتك باستمرار وحاولي انها ماتبكي اي وقت وخاصه وقت المغرب ..
الشي الثاني تحتاجين وقت عشان تكسرين الخوف ولازم ماتحسسينها انك بعيده عنها يعني محتاجه منك الحنان والامان بشكل مضاعف ..
واتركي الباب على الوضع اللي يريحها في البدايه
بعدين بعدها بكم يوم حاولي تسكرين لو بعض الباب والمره اللي بعدها الباب كله
وحاولي بكل مره لما هي تسوي شي صح او تسمع كلامك تكافينها بهديه او اي شي للتشجيع ..
الله يخليها لك يارب ويطول عمرها بالصحه والعافيه ..