ماشاء الله كويس ترضعي طبيعي استمري ماعليكي من كﻻم الناس

اذا ما انتي موظفة ارضعيها طبيعي مو فاهمة شنو المانع
صحة بنتك و مناعتها اهم من خرابيط الناس
انا عكسج صدري ما يدر حليب كفاية و اللي حولي اكلوني من الاسئلة و النصايح و الاحراج ليش ما ارضع اولادي و في كل ولادة تتكرر نفس القصة و يا ما تهزٲت من خوات زوجي مع انه هذي طبيعة جسمي و مالي ذنب
يعني على قولة المصريين لا كده عاجب و لاكده عاجب 
لا اللي ترضع مستريحة و لا اللي ما ترضع مستريحة 

وعليكم السلام .. يا حبيبتي انتي كنا بمكانك بيوم من الأيام ، انا ما ادري ليه بمجتمعنا يستغربون من اللي ترضع طبيعي ،
انا جبت بنتي بكندا واذكر اول ما جبتها كنت أتألم من الرضاعه بس مع ذلك أصروا علي الممرضات أكمل واسبوعين والحمد لله راح الألم ، يوم رجعت السعوديه ما كان عندي مشكله مع الرضاعه بس اذكر اللي حولي كلهم كانو يزنون علي اني أوقف ، والله كل ما اتذكر يجيني تأنيب ضمير بهذلت ببنتي وجوعتها عشان تأخذ الصناعي وعيت ، وكملت ما شاء الله لين عمر سنه ونص الحمد لله و حاسه اني فخوره بنفسي كثير
ترا الرضاعه الطبيعية جداً جداً مفيده للطفل من ناحيه جسديه ومن ناحية نفسيه ، أبد ما عليك من اللي حولك اذا قال لك احد شي صرفيهم وقولي إن شاء الله وكملي رضاعه ، انتي ام ومن حق طفلك عليك انه يرضع ،
وترى فيه أساليب تساعدك انك تستمرين ترضعين وقت أطول و صدرك يطلع حليب اكثر ابحثي عنها عشان ما تتعبين بـ الرضاعه

الله يحفظه لك ويرزقك بره وإحسانه يارب ❤️

الله يجزاكم خير بنات