بنتي والرضاعه

السلام عليكم...
كيفكم يا حبيباتي ... وحشتوووني انتوا والصغار....
اليوم عندي سؤال بنتي بسم الله عليها كملت سنه وشهر بالضبط...
وحابه اقطع عنها الشرب بالرضاعه ابغاها تشرب بالكاس .... لكن مو راضيه ابدا تتقبل شرب الحليب
بالكاس .. اذا عطيتها اياه كأنها راح تستفرغ الله يكرمكم... وتجلس تصيح ما تبي تشرب منه...
جربت الكاس الي معاه غطا وماحبته جربت الكاسه الي معاها شفاط وكمان ما رضت تشرب...
خلطت لها الحليب مع كاكاو كمان ما عجبها ... ايش اسوي فيها

والمصيبه الاكبر انها الى الحين تشرب حليب وهي ناااايمه :( ماادري ايش المشكله قبل شهر كنت
مسافره وكانت تنام بالليل وما تصحى ابدا الى الصباح أما الحين من يوم رجعنا وهي لازم تصيح
بالليل تشرب حليب رضاعتين وهي نايمه حاولت اعطيها مويه بس ماترضى ... حاولت اشيلها وادور
فيها ماترضى تصيح ساعه متواصله ماعندها مانع اهم شي الحليب .. حاولت اخفف لها كميله الحليب
الي مع المويه تقبلته بس لما اوصل الى المويه فقط هنا عاد تبدا تصيح وما ترضى تسكت الا بحليب ...
عندكم طريقه لقطع رضاعه الحليب بالليل وكم هي المده الي تنام فيها نوم متواصل بدون حليب ممكن توصل الى 10 ساعات؟؟
وياليت تجاوبوني باسرع وقت لأني اجازه الاسبوع الجاي وبحاول ارتب امورها قبل ما تخلص اجازتي ...