السلام عليكم :طريقة التعامل في حالة صدور هذا السلوك العض :
أولا : تاكد من السلامة الطفلة من ناحية الاسنان .
ثانيا : حرمانها من الا شياء التى تحبها فورا او منعها من اللعب معهم .
ثالثا: التجاهل خاصة عندما يحدث العض لان الصراخ افراد الاسرة يثبت العض عند الطفلة ......... الافضل سحب الطفلة من المكان وعدم الحديث معها مع عدم اظهار الغضب على وجه الام .
اما بالنسبة الفلفل او الاشياء المره قد تساعد على التخلص هذا السلوك ولكن بعض الاطفال يتعود على طعم الاشياء المره
أما بعض يد الطفلة بهدف التخويف او ترك السلوك العض قد يؤدي الى زيادة السلوك عند الطفلة وتعليمها .........
تدريب الطفلة على كيفية اللعب مع الاطفال مع مراقبتها مع محاولة عدم احساسها انها مراقبة من حولها .......
يجب ملاحظة الطفلة جيدا هل هي تحاول لفت انتباه من حولها ؟ بعدها تحديد الا سلوب الذين تستخدمين معها.........

بكل بساطه خلي اللي عضتها تعضها وتشوفين اذا تابت

لاتقولين عنف ماعنف

هالكلام مايودي ولا يجيب

انا عيالي التوأم كان واحد مستلم واحد بالعض شي مب طبيعي ومره مسكت المجني عليه وخليته يعض الجاني وعقبها عينك ماتشوف الا النور ماقرب لاخوه ولا فكر يعضه لانه عرف وش بيجيه

ونفس الشي ولد اختي عض ولد الجيران وبكل بساطه ام الجيران مسكت ولدها وخلته يعض ولد اختي والحمد لله عقبها ولد اختي تاب توبه وانقطعت هالعاده عنده

الشغله يبيلها حزم وانتي قوي قلبك او خليكي بعيد وقت الموقف

بنتك لو حست باحساس اللي تعضهم عمرها ماتقرب لهم ... والله يكون بعونك

انا عندي نفس المشكله مع ولدي...
عمره سنتين و شهرين...المشكله مركز بالعض علي انا بس..وفي ما ندر ابوه بس انا متوليني بالعض على اتفه سبب..بس ما يسويها مع غيرنا ابدا
حاولت ابين له اني زعلانه منه لما يعض ..ما نفع معه
قالوا لي عضيه اذا عضك..جربت هالاسلوب حسبها لعبه..مع انه يعوره بس يحسبها لعبه..يجلس يضحك و يتكركر
الحين بديت اطنش..يعني يعضني و انا اسوي نفسي ما مهتمه ابدا يوقف ما يعاود الكره..بس ما بطل عادته

بس انا فسرتها غيره لاني حامل..مع اني معطيته حنان..و اهتمام..بس ولو اقول لسه ما يفهم وش يعني حامل لو الطفل الجديد موجود قلت يمكن غيره مدري و الله ياريت بعد القى حل معكم..

الاطفال كلهم أو أغلبهم كده في السن ده لانه ما بيعرف يدافع عن نفسه الا بالعض و بالتدريج هيبطل العاده دي لوحده

و ممكن لو يفهم الطفل يحرم من شئ يحبه لو عض و تجيبيله حاجه يحبها لو مش عض و هكذا يفهم انه سلوك مش كويس و يبطله ان شاء الله

انا معلمة رياض اطفال وجاني طفله فيها هالصفه بس استخدمت معها القوه كانت اي شئ تبغاه احرمها منه خاصه خروجها للملعب الخارجي وعدم جلوسها في الحلقه وكنت عند الحديث اليها بعد هذا التصرف احط عيني بعينها واتفاهم معها بعدين احرمها لحد ماجتني امها وشكرتني قالت انتي سويتي الي ماقدرت عليه بحكم هي اخر العنقود عندهم فقالو افضل وسيله للعقاب الحرررررررررررمان.