بحكي لكم سالفتي وبنتي
يوم كان عمرها سنة ونص تقريبا ماني فاكرة بس كانت بعد ما تعرف تتكام كانت ترفض تلبس البامبرز واذا غصبتها كانت اذا تبي تتبول الله يكرمكم تبكي لين اوديها الحمام وفي مرة رحت عند ناس وعملت نفس الحركة وجلست تبكي لين وديتها وبالت بالحمام شوي مادرت غير راعيت البيت جا يتني تركض وتسالني بنتك تعرف تروح الحمام وهي بذا السن من دلاختي قلت وبكل فخر ايه من زمان راحت من عندي وبعدين رجعت للبيت شوي ولا وحدة من الجماعة تتصل علي تسالني صدق بنتك تروح الحمام ونفس الاجابة تخيلوا مكالمتهم بس السلام صدق بنتك تروح الحمام اية طيب مع السلامة
وتعدين وش سار بنتي تتبول بشكل لا ارادي في البداية مهتميت وقلت طبيعي البنت توها صغيرة بعدين جاني ولد وهي مثل ماهي في سن 5سنوات راحت التحفيض وسارت تروح للحمام ساعات تلحق وساعات لا بس وقت النوم ما تدري عن عمرها تسويها مرتين وثلاث
وديتها الدكتور كان فية التها بات بس ماهي قوية عشان تتبول كل نص ساعة وبذا الكمية
لدرجة انها كانت تشرب الماء وتتبولة من وقتة
طبعن في السنوات هاذي ماخليت شي شجعت وضربت ودعيت عليهاوعلى نفسي بالموت في الاخر رفعت الراية
واكتفيت بالبكا
بعدين تذكرت الي سار في بيت الحرمة الي ما تخاف الله وبديت اشك فيها بس انا حمارة تدرون لية لاني ما حاولت اسوي شي وكتفيت بالشك
وفي سن 15 وبنتي تتبول في فراشها تتخيلوا وفي يوم توكلت على الله واخذت من اثر الظالمة
وغسلته وسميت على بنتي وكبيتة عليها وهي غافلة والحمد لله بنتي حبيبتي شفيت
هاذي قصتي وعلى قد فرحتي على قد ندمي اني اهملت كل ذا السنين
ندمي ما راح ينتهي وكرهي لنفسي ما راح يروح لاني مقصرة وما اعطيت بنتي حقها من الرعاية والاهتمام
نصيحتي لا تعلموا احد عن عيالكم متى نشفوا ومتى تعلموا روحت الحمام اعذروني طولت عليكم بس حبيت احكي لكم حتى ما يصير معاكم الي سار معي
ولي تبي تلومني على تقصيري لا تستحي تراني مسامحتها دنيا واخرة لاني استحق اي شي تقولوة المهم تنتبهوا لعيالكم
الفراشةالحالمة @alfrashalhalm
محررة برونزية
يلزم عليك تسجيل الدخول أولًا لكتابة تعليق.
مالعب بالناس الى الناس حسبي الله على من مايذكر اللهمالعب بالناس الى الناس حسبي الله على من مايذكر الله
اي والله :(
الحمدلله ع سلامتها
يارب وش هالناس عليها عيون صاروووخ يامال العمى
والله العين ماخلت احد بحاله
حسبي الله على كل حاسده..عسى ربي يبليها اذا كانت قاصده
<<تحسون تحمست خخخخخ..والله من اللي نعيشه ونشووفه:(
يارب وش هالناس عليها عيون صاروووخ يامال العمى
والله العين ماخلت احد بحاله
حسبي الله على كل حاسده..عسى ربي يبليها اذا كانت قاصده
<<تحسون تحمست خخخخخ..والله من اللي نعيشه ونشووفه:(
الصفحة الأخيرة
الحمد لله انك ذكرتيها واخذتي منها
صح راح وقت كثيييييييييييييييييييييييييييير عليك بس عشان المره الثانيه ماتقولين للناس شئ
فعلا الناس ماتشبع ابد
والعين حق