بنتي والمغص مدري من الحلبة أوالفول

السلام عليكم ياحريم
طبعا انا الحين نفاس من ٢٠يوم بس
من يوم كنت حامل وانا ابحث في مدرات الحليب واحفظ معلومات ومتحمسه مامكرر نفس غلطات بنتي الكبيرة اللي مارضعت لان صدري ماكان يدر
هالمرة كل شيء يخطر على بالكم جربته
ولا فاد عصيرات خضرة حتى الجرجير شريت حزم وطحنت وفرزنت
في الاخير رسيت على ترمس الاعشاب عبارة عن
حلبة حب وشمر ويانسون حب
وقرفه وكمون مطحون
وقشر قهوة وشعير افوحها لحال
فطوري بيضه مسلوقه
وغداي مرق لحم وبر
وعشاي شوربة عدس ووقفتها من اربع ايام
وطحينة و زبدة الفول السوداني سناك
المهم انا مادري متى بدا المغص عليها المهم أن صدري يالله ينقط ومع ذلك علطول تتبرز لا رضعت مني ويمغصها بطنها اذا رضعت مني وماتبي تكمل من المغص يمكن لو تكمل يدر الحليب مع الرضع على قولتهم
معناته من هالاشياء اللي اشرب
وللمعلومية زبدة الفول والطحينة مابديت فيها من الاول مع الاعشاب الا يوم قريت عنها
وكانت تبكي من الاول هل من قلة الحليب
او مغص من الحلبة
مستحيل يعني من شمر أو يانسون فعشان كذا شكيت بالحلبة لو كان صياحها من الاول مغص مو جوع
او ممكن من زبدة الفول السوداني لاني لاحظتها بزيادة تتمغص هاليومين
المشكلة الفول السوداني من امس ماكليته مع اني طحت فيه كل شوي اكل ملعقه بعد ماقريت حريم يمدحن فيه أنه يدر معقول للحين تأثيره باقي في حليب
والمشكلة على هالقطرتين بعد بنتي تتمغص من حبيبي وتتبرز مجرد ماترضع
الزبدة والخلاصة ابي اعرف البلا من ايش لاني تعبت زوجي يقولي حليبك مضروب وكله من بربستك خلاص عطيها صناعي وفكينا ام التحطيم وانا للحين ماسكه نفسي ومابي احرمها حتى لو قليل بس اكيد فيه نفع لها
كيف اعرف البلا من ايش بالضبط
لان الحلبة اكيد مفيدة للادرار
وزبدة الفول لاحظتها زادت لو شي بسيط
ومابغيت اتركهم مع بعض عشان ابي اعرف ايهم بالضبط المشكلة هالاثنين يمكن افضل شي
جت الزينة تفرح مالقت لها مطرح
تكفون داخله عليكم بردوا خاطري هذيهي تفحطط معي واحس اني انا اللي متسببة عليها
الله يفتحها بوجه بنتي ويرزقها ويبارك لها ولايذوقكم مكروه في عيالكم