بنتي والم بطنها المستمر (بنات المدينة الحقوني لطبيب باطنية )

وديها دكتور أطفال في دكتور ممتاز بمستوصف الشفا بشارع الحزام

كانك تتكلمين عني
تعبت مع بناي لي اسبوعين وانا وياها مجاهد
بنتي عمرها 4 سنين
والم بطن مادري وش سالفته
عطيتها يانسون فيفادول مايروح
وديتها للطوارى يعطوني شراب التقلصات
معها امساك بس اعطيها محفزات طبيعيه عشان يسهل خروجه وصرت اعطيها ملين من المستشفى
بس برضووووو المغص ذبحنا
ووديتها الاسبوع اللي راح لمستوصف خاص للدكتور اطفال
قلتله
ريحة فمها فضييييييع قويه
مع مغص مايفك عنها الا عشر دقايق ويرجع تقل طلق
وامساك بس اعطيها مليانات طبيعيه ويخرج بس برضو فيه مغص
واكلها صعب ماتاكل الا بالهواش والمخانق


قلتله سولها تحليل بول وبراز


انا طلبت مو هو
سويت لها التحليل قال البول سليم يعني مو الالم من المثانه
اما البراز فيه فطريات هو اللي مسبب المفص وريحة الفو الكريهه


عطاني لها شرابين
واحد مضاد للمعده
الثاني مضاد للفطريات
والحمدلله اليوم اربع يوم لها
والريحه اختفت من فمها المغص خف كثير بس اخر الليل تقعد تقول بطني يوجعني شي بسيط وتسكت
والحمدلله رب العالمين
وعطاني لها شراب فيتامين لها عشانها ماتاكل وتفتح شهيتها استخدمه يقول شهر


لاززززززم تودينها للدكتور فورا انا قعد اصيح معها من ضيقة الحال مادري وشفيها ولا انحلت مشكلتنا الا بفضله عزوجل
ولا اللي اصعب شيء اخذ تكرمين والقارءين البراز
هذا الصعب لانها تسويه بالليل ومافيه مختبرات فاتحه هالوقت
وحتى المختبر قالي لازم مدة احتفاظ فيه ساعه فقط ماتطولين
واكلتها قبل تنام واحبرتها تاكل اشياء كثيره ومولينه وقلتلها تنام وهي صجتني بوجع بطنها ونامت مع الفيفادول
والصبح اكلتها وعطيتها برتقال والحمدلله تمت العمليه
وقدرت اخذ العينه الصبح وفورا ماحتفظت فيه على طول اخذت العينه للمختبر
والله مايتعب الا الام عشان عيالها
يارب تحميهم لنا وهم بصحة وبسلامه وبعافيه دايمه ولا نشوف فيهم تعب ولا مشاكل

نسيت
انتم جاكم حالة استفراغ واسهال بالعيله
يعني احد اصيب بهالشي نزله معريه معديه
من شهر ذو القعده والحجه جاء فيروس نزله معويه معديه للاطفال اكثر شي الكبار نادر
استفراغ واسهال بس فجائي يجيهم
كانت بنت اختي باواخر ذو القعده
وبالعيد الفطر ولدي وديته للطوارى لانه صرت زي الخرقه بيدي من الاستفراغ وعطوه مغذي وابرة استفراغ
وصار معه اسهال فضيع مويه ووديته لدكتور اطفال عطاني له شرابين للبكاتيريا ولضطراب المعده والحمدلله وقف بعد يوم الاسهال
بس يجيه مغص بعد مايرضع الحليب يجلس على الارض ويحط ادينه على بطنه ويرصه ويقول اي اي بعدها تكرمين يوسخ
فشربته يانسون مع كمون وحبة البركه الحمدلله اختفى بعدها المغص ورتاح لانه مطهر للمعده اليانسون
وبعد ولدي جاء عيال خواتي فجئه العدوى من ولدي
بنتي ماجاها هالعدوى فصار بداله هالمغص
يعني معدتها انعديت زيهم بس تحرل لمغص وفطريات
هذا اللي استنتجناه انا وخواتي
اكيد بنتك صار لها زي بنتي
فتحتاج مطهر معده ومضاد للفطريات