بنتي والنحافه

السلام عليكم ورحمة الله وبركاته 0000
عندي بنتي عمرها 11 شهر و24 يوم وهي بالمره نحفانه لدرجة ان عظام صدرها تنعد
وبعدين انا احس ان عظام صدرها مرتفعه يعني خارجه لبرا بس ماهو مره شي بسيط
وانا اخاف من مرض في الطب الشعبي اسمه (شويكه) ماله علاج اللى الكي بس انشاء الله مايكون
معاه لان هذا المرض يقولون انه يسبب الهزال وخروج عظام الصدر 000000
انا وديتها لطبيب اطفال وقال هذا عادي هذا علشانها نحفانه وفي اطفال يجوني اكثر من كذه وترجع
عادي 000000اما بالنسبه لاكلها تاكل عادي وهي لما كانت صغيره كانت ترضع مني لحد هذا الاسبوع ففطمتها لاني حامل والله يصبرني وهي صغيره ماكانت تاخذ الرضاعه ابدا وانا ماكان فيه
حليب يكفيها بس كانت متعلقه فيه والحين الحمد لله تاخذ الرضاعه وجبت لها حليب( بريميم كير )
فارجوكم ابغى مساعدتكم مثلا في الوجبات وعددها وانواعها
وسامحوني على الاطاله وهذا كله من قهري والناس اذا شافوها قالولي انتي ماتاكلينه