حاولي تحفظيها كل شي بانشوده
شفتي طيور الجنه حتى حكاياتهم يقولوها اغاني وكل الاولاد حافظينها فهمتيني؟؟
يعني اذا بتحفظيها الحروف غنيها وصفقي كأنك معاها في حفله
القران رتليه معاها
الاناشيد برضه غنيها
احس هالطريقه تخليهم يحفظوا وماينسوا بسهوله
اما الحروف اللي تقلبها احسه طبيعي كلهم كذا انا ولدي مايعترف بحرف الثاء ينطقه فاء😅 بس عادي ماخذه الامور ببساطه لانه مصيره يتعلم
الله يعينك وحبه حبه تتعلم وتفهم بس لاتعصبي عليها وتخليها تكره المذاكره
وفيه قناه تعليميه من قنوات المجد اسمها روضه حلوه للاطفال خليها تتفرجها وعلى الايباد حملي لها برامج الحروف والمعلم تردد وراه

بنتك معها صعوبه تعلم بس لاتخافين تتعالج فيه مدارس عندهم مدرسات للصعوبات تعلم تمشي معها على قدره ذكاء بنتك وتعلمها كيف تنطق الحروف صح وتستوعب انتي روحي لمدرستها واسئلي اذا عندهم معلمه لصعوبات التعلم او جيبي لها في البيت معلمه خصوصيه تدرس صعوبات التعلم ومع الوقت بنتك راح تستوعب وتصير ذكيه ماشاء الله لانها راح تساعده المدرسه على الفهم بأساليب حديثه وترى عادي ترجع طبيعي لاتخافين عليها

بنتك حركية بزيادة؟
عندها فرط حركة؟
اندفاعية ما عندها قدرة عالصبر وتقاطع كتيىر؟
تصحى الليل مفجوعة
تضحك احيانا بدون سبب او ضحك هستيىري
تحزن بدون سبب
تطحن في اسنانها وهيا نايمة؟
تاكل اضافرها؟

تواصلي مع المدرسه وخليهم يوفرون لها معلمة صعوبات تعلم ،، اذا ماكان متوفر بالمدرسه والله فيه وحده بنتها كذا وراحت للمديره وقالت جيبوا لها معلمة صعوبات ورفضت المديره والام طووولت لسانها وهزأتهم وفي الاخير جابوا لها معلمه صعوبات تعلم منتدبه ،،، لان الام ماعندها ماده تدخل بنتها خاص ولا عندها ماده للسواق علشان تدخلها مدرسه حكوميه متوفر فيها معلمات صعوبات لانها بعيده عنها،، وعيب بنتها كانت تلخبط في كتابة الحروف ونطقها وتنسى..

ولد حالته مشابهه لحالت بنتك ....مستحيل يحفظ ...اعيد وازيد واكرر ..بس مايحفظ ابدا .....
لكن الكلام كويس لكن مشكلته التأتأه ....يتعب منها ...وايضا ماعنده صبر ابدا ....يكرة يحل الواجب مايحب يكتب ابدا ...مايكتب الا بعد صياح ونياح ....


لكن كثير الاسئلة بشكل غير طبيعي ....يعني فجأة يجيك بسوأل ..تنصدمي منه ......
الحين هو بصف ثالث ...تحسن شوي في الكتابة ...لكن باقي بعض الحروف يشبكها غلط




صرت ما اضغط عليه كثير ...واحيانا ما نحل الواجبات كلها .....