بنتي والهدوء وقلق زوجي ..! طمنوني الله يطمن قلوبكم

السلام عليكم ورحمة الله وبركاته

انا من امس بهم مثل الجبل على قلبي وكله من تحت راس زوجي

بنتي بكريتي عمرها 5 شهور ونص , هالاسبوعين انا فرحانه انها بدت تلعب وينتظم يومها وريحتني لما صارت تنشغل بالعابها

طبعا اذا سوت شيء بالحفاظ او جاعت او تبي تنام او حتى طفشت مثلها مثل اي طفل تبدا تبكي لحد مايرتفع صوتها

بس انا احاول اتلاحق عليها قبل تصيح مره عشان لايتعكر مزاجها كل اليوم

بيتي الحمدالله هادئ لان مافيه الا انا وزوجي وهي واحط لها قناة مكه تسمع القرآن وهي تلعب

واذا طلعنا برى وشافت الناس تظل ساكته تتفرج فيهم واذا لاعبناها ضحكت لنا

الى هنا انا حاسه ان الامور تمام ووضعها جدا طبيعي وكل من شافها يقولي ماشاءالله طبعها هادئ مثل امها :$

لكن من شاف زوجي بنت اخوه بدأ يشككني ان بنتي مريضه او مكبوته نفسياَ

بنت اخوه ولدت بعد بنتي بفتره قصيره ومن جابتها امها كانت تعبانه فكانت تحن عليها وعلى طول شايلتها

حتى النوم ماتنام الا بحضنها وماسكه ب ايدها ونا عارفه هالشيء لانها شكت لي وطلبتني اساعدها كيف تعود بنتها تنام بفراشها بالليل

امس زوجي لاحظ ان بنتهم بس تبكي وتصيح ويلاعبونها تضحك لكن من ينزلونها تبكي

لما جا البيت قالي انتي تصرخين على بنتنا لحد ماصارت تبطل تبكي او تبين لنا انها متضايقه !

مع العلم اني صرخت عليها مره كنت بالمطبخ وزوجي معاي وجننوني هي يبي وهي تبي فصرخت بصوت عالي وسكتوا

يعني مثلا امس قاعدين عالتي في انا وزوجي وبنتنا عالارض قدامنا تلعب بالعابها لكنها ساكته واذا انتبهت لنا ابتسمت ورجعت تلعب

وقتها زوجي قالي بكره نوديها المستشفى اكيد فيها توحد او نفسيتها تعبانه

!!!!!!!

بنات طمنوني بنتي طبيعيه ولا فيها مشكله

مع العلم ان نومها وصحتها الحمدالله كلش طبيعي

حتى نموها وتطورها طبيعي بحسب بحثي بالنت

بنتي هذي ماجاتني الا بعد حرمان وتعبت بحملها وولادتها والحمدالله على كل حال

هل يحق لي اقلق عليها واعرضها على دكتور ولا زوجي مكبر السالفه