اول شي الله لايحلل ولا يسامح الي تتريق او تقول كلمه تجرح او تشك بتربيتي لبنتي والي تقول بناتك بويات وانتي مبسوطه ومدري ايش حسبي الله عليها حسبي الله بس والي ماعندها رد مناسب تحتفظ فيه لنفسها لان والله العظيم ماعندي الا الدعاء
بعد كلامكم انا فعلاً تقربت من بناتي والحمدالله طبقت كل كلامكم بنتي ذي الي عمرها ١٧ يوم الثلاثاء دعست على زجاج وخيطو رجلها وصارت سالفه أمس هي عندها نوبات هلع من زمااان جاتها مرتين تقعد تصيح وتبكي بدون سبب امس طاحت علينا ورجعتلها الحاله تبكي وتصارخ وبطنها يتشنج اخر شي طاحت وقعدت ترجف وتبكي وانا اهديها قلبي انقبببض حتى لما جاتها قبل ماكانت زي كذا!!!! الحين هدت شوي ونامت كل شوي ادخل واتطمن عليها وصحت كم مره ماقالت ولا كلمه تصحب تتطمن على قطوتها وترجع تنام وهي ماكان مافيها شي حتى ماكانت ماسكه جوالها وتضحك وتسولف عادي!! قلبي مقبوض عليها على فكره هي عندها قولون
حنا وديناها طبيب نفسي السنه الي فاتت وعرضها على استشاريه نفسيه وعطوها دواء اسمه بروزاك مافاد ولا نفع استمرت عليه الاسبوع الاول يوم تاكله ويوم ماتاكله على حسب كلام الدكتور والاسبوع الثاني تاكله كل يوم لمده شهر بس مانفع
تتوقعون الي صار فيها بسبب الاكتئاب؟؟؟؟
والله العظيم اني كرهت اكتب موضوع منحده اكتب بسبب التعليقات ماتعرفون قد وش كلمه وحده تأثر وتجرح انتم ماتدرون عن تربيتي لهم ماتدرون انا وش سويت لهم ماتدرون عن ولاشي
والي صار فيها ابد مو بسبب مشاكلنا انا وابوها لاننا مانتهاوش قدامهم ريحوا قلبي تكفون

أم دلال🌸 @am_dlal_9
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
نوبات الهلع علاجها الفعال العصفر
اقراي عنه اكثر والله يشفي بنيتك؛؛؛؛)