بنتي وام زوجي

السلام عليكم ورحمه الله وبركاته

اخواتي ابقولكم سالفتي مع ام زوجي وانتو احكمو ايش اعمل معاها في تصرفها هاد انا ماابغى مشاكل بس ابغى حلول الله يهديها بس

اتعرف الطفل نومه غير والواحد مايقتدر يتحكم فيه

قام زوجي قالي بودي البنت عند جدتها الساعه 3ظهر وننام برحتنا قلت له طيب وودها وقالي 9اجيبها واروح مشواري قلت طيب وامه ساكنه قبالي وعادي دايمن البنت عندها

وهيا عامله حساسيه معيا المهم قمت من النوم 9 وقلت له جيبها قال طيب وانتظرته يقوم ماقام لمن سارت 10 قمت روحت ودقيت عليها وقلتلها اعطيني بنتي سكتت وبعدين قالتلي بتشري الرضاعه تخلص اجيبها لكي

قلت طيب بحسن نيه انتظرت انتظرت لين 11 ماجابتها وانا ورايا خرجه بنزل عند اهلي وزوجي نايم قمت رجعت دقيت عليها ماتفتح ادق ادق ماتفتح انا هنا ولعت انا متاكده انها في البيت ليش ماتفتحت

قمت حيت زوجي وقلتله جيب البنت واسال امك هيا دقت الباب ولا لاني ماسمعت دق

قام قالي انتي غلطانه تروحي مين اذنلك تحرجي بدون شوري قلت له الباب قبال الاباب وهو ماعنجه اخوان عشان يقول ليش روحتي ولا شي

المهم ركبني الغلط قمت قلت له انا طيبه وساكته على امك ومافي احد زي امك دعت على امي وفي بيتي وانا برضو خليتها تدخل بيتي وارسل لها البنت تقوم تعاملني كدا صراحه انقهرات لانها اعتبرتني طفلها قولتلو لو قالتلي خلي البنت عندي مارح اقولها لا بس هاد مو اسلوب وانا قلت


له بعد كدا رجلي على رجل بنتك ماتروح لحاها مره لانو حتى عند اهلي تروح معاي مااتركه بس عند اهلو يتركها بساعات عندهم وهم اصلا مالهم خلق اطفال

فاابغى منكم حلول اني احط حدود لها عشان ماتتعدها بس بحترام افيدوني اللي لهم خبره وساكنين مع اهل الزوج