الله يفرج همك

الله يشفيها

بنتك في بطنها برد
نوميها على ظهرها وطقي بيدك خفيف على بطنها اذا طلع صوت صدى او كانه بالون معناته فيها هواء وبرد بالبطن


اذا طقيتي وطلع صوت لحم عادي فما هو برد ربي يشفييها
طقي البطن يمين - ويسار - وسط فوق

واليانسون والكمون كلها مهدئات وتخرج القليل من الغازات من البطن مو حل جذري يعني
انتي جربي الطريقه اللي عطيتك واذا طلع فيها غازات علاجها سهل جدا

ايه ياختي سويت حركتك كنه مجوف وفيه هواء جربت لاخوها ابو اربع سنين مابه نفس الصوت الي سمعته فيها سبحان الله يعني برد ولا غازات

ايه ياقلبي هذا برد داخلها ويسمونه عندنا خشه
والمستشفيات يسمونه نزله معويه لكن للأسف يبيلك طبيب شاطر يشخص له الحاله لان طحت بطبيب
مصري وهم دايم اي الم بالبططن يشخصونه الدوده والتهاب ويصرف له دواء غلط هذا كلام دكتور اثق فيه
والله أعلم

في وقت تغير الجو معروف الكل بينصح انك ماتسبحين اولادك بعد المغرب
لان الطفل مايتحمل وانا كان بيجيني ضيوف قلت ماقدر وسبحت ولدي المغرب مع اني منتبهه للهواء
وكل الابواب مقفله لكن سبحان الله مكتوب
اول ماتغير علينا الجو والله ولدي اخذ اسبوع تعبان كله سهال ربي يكرمكم وبس يرجع والله حتى الماء
مايقعد نص دقيقه في بطنه يرجعه ويطلع من فمه وخشمه حتى يعني مره صعبه حالته
واللي اقوى من كذا عليه حراره انا هنا وقفت ماقدر اسوي طريقتي حقت البرد خفت تزيد حرارته
رحت المستشفى وكله مغذي للتعويض وابر والله ماوقفت شي الابر بس توقف الترجيع كم ساعه وبس يرجع زي ماكان
قلت لزوجي انا ماراح اتحمل الولد له اسبوع على هالحاله واخذته لحرمه ربي يجزاها خير وعطتني
دواء يوقف الترجيع وعطتني زيت ادهن بطنه وظهره علشان البرد يطلع وقتها الحمدلله وقفت الحراره عنه وبأمكان احط له زيت لان الزيت بوقت الحراره ماينفع خفت يرفعها زياده

اذا بنتك بس فيها خشه علاجها سهل وهو تسخنين زيت زيتون بالمكرويف واذا حبيتي حطي
شوي زنجبيل وادهني بطنها ودلكيه وادهني ظهرها وباطن القدم ولبسيها شراب ولبس كامل وخليها
تنام بمكان بدون مكيف واستمري اسبوع على كذا لان الخلطه ذي تدفي المكان وتطلع البرد منه
وانتي بنفسك بتلاحظين كل يوم طقي بطنها نفس الطقه بتلاحظين يختفي الهواء على اجزاء
انا كنت استخدم الفازلين اذا بنطلع وبرد لازم ادهن اذن الطفل والقدم وظهره مسحات خفيفه علشان مايطفش لان هاذي اغلب شي مداخل البرد وهاذي نصيحة امي


<<<<<<<وسامحيني على كثر الكلام :rotaeye:
ربي يشفي بنتك ويحفظها لك