بنتي وبنات عماتها والزواج

اول شئ بقوله ان بنتي عمرها 11 سنة وزواج عمها بعد اسبوع
واشتريت لها فستان نااااااعم جدا لانه الفرح بصالة صغيرة ومختصر
المهم بنات عماتها بسنها وكلهم بكل مناسبة يروحون الكوافير مع امهم ويصلحون تسريحات يلمون شعرهم كلهم وكذا المهم نفس تسريحات الكبار وكمان مكياج خفيف بس اسمه ماكياج
حتي لو المناسبة بالبيت دام شبكة او زواج لازم من موضوع التسريحات هذي

طبعا بتقولون ايش علي منهم
انا ماعندي غير هالبنت وهم ماشاء الله كثار يعني غالبية وماودي اسوي لهاتسريحات كبار خصوصا ان فستانها ناعم ودي افتح شعرها واحط لها ورة هالجنب او طوق مع الغرة يصير شكلها ناعم وبنوتي مع مرطب علي شفايفها وخلاص

بس اخاف تروح هناك وتتعقد او تحس انهااقل منهم
خصوصا هي تحس بنقص لانها سمورة شوي عكس بنات عماتها

اعطوني رايكم وبنشي عليه
اسوي اللي انا مقتنعة فيه واشوفه مناسب وحلو لها
او اخليها مثل غيرها عشان ماتحس بالنقص حتي لو شئ اشوفه غلط ومبالغ فيه