السلام عليكم
اسمحوا لي اشكي همي لكم وابي تحليلكم ومساعدتكم..
عندي بنتين من اول ماولدت في بنتي الثانيه والكبيره الي كان عمرها 4 سنوات تطقها وتغافلني تشد شعرها والا تعمل لها اي تصرف وتظل تبكي واهلي ملاحظين هالشي لانها تغافل امي ونفس الشي تروح بسرعه والا في طريقها وهي تمشي تطق اختها ..الان كبروا الصغيره 4 سنوات وكم شهر والكبيره 8 سنوات وكم شهر ونفس المعاناه ..توقعت ان فتره وبتعدي الا بالعكس ..دااااائما تطقها واذا ماطقتها تهاوشها وتفشلها ..مثلا بنتي الصغيره بتتكلم الكبيره على طول تفشلها وتسكتها وتتمسخر عليها..غير الصرااااخ لا تفه الاسباب ..ولما نشتري شي للكبيره ماااتسمح اختها تستخدمه حتى لو سيديه لمشاهدة الكرتون؟للعلم بان ماتغيرنا عليها ونعاملها زين ونشتري لها الي تبيه ولا نفرق بينهم لكن صراحه معاملتها واسلوبها من داخلي مو راضيه عنها ابد ..لكني احاول اظهر بشكل طبيعي ..اوقات ازعل منها من تصرفاتها وتجي تعتذر وترجع مره ثانيه نفس التصرفات ..بنتي الكبيره فيها صفات الانانيه وتكذب وتسوي تصرفات من تحت لتحت ..مادري ليه متعبتني مررره كلمناها اهديناها زعلنا منها سوينا كل الطرق مافاد معها ..والله لو تشوفون الصغيره كيف معيشتها توجع القلب ..شنو اسوي لها؟؟؟
لينا وعدنان @lyna_oaadnan
محررة ماسية
يلزم عليك تسجيل الدخول أولًا لكتابة تعليق.
خلي اختها عند امك فتره اربع ايام اكيد بتفقدها وتدور عليها وقولي لها خلاص وديناها عشانك ماتحبينها ولاتعلمينها انها عند امك
حاولي تفهميها انوا هاد الاشي ما بصير
بس مو بصراخ بلهداوه
والله يهديها ويحنن قلبها على اختها
تحياتي...
الصفحة الأخيرة
اما انك مهتمة بزياده بالصغيرة الله يحفظها وهي بتحس بالغيرة لانك معطيتها اهتمام
اممممممم الحل هوو
الكبيرة احضنيها وحبيها قولي ماشاء الله كبرتي وصرتي حرمة ماشاء الله
في المطبخ قولي لها تساعدك وحتى في فرش السماط وامدحيها قدام ابوها
وبعدين نجي للنقطة المهمه انها تساعدك في الاخت الصغيرة
تقولها مثلا كيف تستخدم الحمام اكرمكم الله
وحاولي اهم شيء تحسسينها انها كبيرة على هالحركات
وانك ماتفضلين احد على احد
وان شاء الله تفيد معك