انتي اعطيها النصيحه من غير تجريح او تعييب وقولي انا اشوف بنات ماشاءالله مرتبات عشان كذا ابغاك مثلهم وخلاص هي راح تحس مع الوقت

تعالي يا جميلة بأقول لك شيء ……
تعرفي اللي مثل بنتك الله يحفظهم فيهم قوة شخصية و كثير اللي بمثل هذه الطباع يكونوا من الشخصيات القيادية ،،
صدقيني حلو الشخص يكون عنده رأيه ،
و أتوقع إن بنتك متأثرة بشخصيتك كثير ،
تحبي يكون لك رأي و تحبي تصرّي عليه فالحلوة طالعة لماما ☺️
من جد لا تتضايقي من كلامي
أنا حبيت أتكلم بالجانب الإيجابي من الموضوع..
و اتفق مع البنات لما قالوا لك إنه هذا عمرهم ، فعلًا بداية المراهقة الله يحفظهم يحبوا يكون لهم رأي و اختيار.. فالطفل اللي شخصيته فيها ضعف هذا سهل تربيته لكن لما يكبر -يلاقي على رآسه- اقصد بتضيع حقوقه؛
بعكس اللي شخصيته فيها قوة تتعب الأم معه لكن لما يكبر كثير منهم يصير يدبّر أموره بشكل أفضل.
يعني انظري للموضوع بأنه نعمة بأن عندك بنوتة بالشخصية هذه - رغم إني أم و اعرف إن التربية مو سهلة و خاااصة مع هذا النوع تحتاجي نفس طوويل.

طيب أيش الحل :
أحلى حل هو الاتفاق المسبق بينكم.
لما تخلصين معها مراجعة الدروس اسأليها: ما علمتيني أيش تحبي تكون تسريحتك بكرا ؟
و بس
هي تقولك كيف
و اطلبي منها تجهز البكل و الشباصات و غيره قبل النوم،،،،
و ياسلام على بنتي المرتبة.

بهذه الطريقة تختصري المعركة اللي تصير الصبح لأنها هي اختارت من قبل..

ولو اختارت تسريحة مو مرة تمام برأيك ، عندك وقت تفهميها و تقترحي عليها غيرها ، مثلًا تقولي حلوة التسريحة لكن تعرفي حبيبتي إنه مثلًا شعرك بيهيش من جهة فأيش رأيك تعملي كذا أو تحطي كذا..

و ماسك الشعر خليه شيء مشترك بينكم صدقيني بتستمتع و تحس إنك قريبة منها..
و سمي الوقت اللي تهتموا فيه بشعوركم مثلًا حددي يوم الخميس يكون يوم عناية البنات ..
و خبريها إنه مثلًا في يوم عناية البنات احنا نحب نعمل حمام زيت لشعرنا …
و حطي لنفسك و بعده لها

و ممكن تعملي لها جدول عناية ثبتيه على مكتبها أو الجدار
هي بتحس بأنك معها و بينكم شيء خاص 💕

و اللبس أهم شيء ساتر و كله بالحوار معها ، و ما يمنع يكون فيه حدود واضحة لها إنه كذا و كذا ممنوع لأنه محرم و غير ساتر..
أما المباح فلا تدققين خاصة إنهم أهلكم.
لكن ممكن لو اختارت لبس محدد قولي لها طيب المرة هذه ألبسي بإختيارك لكن المرة الجايه بتلبسين هذا الفستان اتفقنا.
ممكن ينفع معها.

و الله يقر عينك فيها و يحفظها..

كل البنات كذا سواء شعرها ناعم او ناشف و هايش هم في سن لس ما يميزون بين انواع الشعر و انواع الجسم و لون البشرة و لا يفهمو في اللي يناسبهم و ما يناسبهم قطولي بالك لا تشدي كثير فتكسري شخصيتها و تخليها تكرهك و لا ترخي كثير فتظل كذا و تكبر من دون ذوق و من دون تأطير خليك لينة و اعطيها حريتها لما اكون بالبيت لكن لما تبغي تروح للمدرسة او عند الاهل احسمي شوي و صوريها و وريها صورها بكل اللوكات و خليها تقارن بنفسها و قولي لها ان فلانة مدحت شكلها الفلاني خليها تقتنع باللوك المناسب لها

ليش تشترين لها بناطيل وهي في رابع وهي الان تمشيك في لبسها بكره بتكبر وتلبس ماتريد وانت مسؤوله عنها امام الله
احرصي على لبسها الساتر
لا اله الا الله عدد كل شىءٍ

اعملي لشعرها افوكا مع البيض يرجع شعرها رطب حتى لو مجعد يكون ملمسه ناعم وخليها تلبس لي تبيه خليها ترتاح بلبسها عادي هي مراهقة واذا لبست لباس مش مرتاحة غيه تتعب نفسيا طول اليوم خليها على راحتها ولما تكوني تشتري لهلدا لبس راعي ذوقها انا كنت البس كثير بناطيل واقمصة طويلة وتغيرت كليا